Ota-ona

Chiroyli hayotni tuxfa aylagan.
Farzandlarin shoxdek yuksak saylagan.
Oʻzini unutib bizni oʻylagan.
Otamni, onamni asragin Olloh.

Xayotda goxi payt chekib zaxmatni.
Sabr va shukurda qilgan mehnatni.
Sira aytmadilar biror minnatni.
Otamni, onamni asragin Olloh.

Jonini fidolar qilib yashaydi.
Baxtni quchib, gʻamni ortga tashlaydi.
Biri quyosh,  biri oyga oʻxshaydi.
Otamni, onamni asragin Olloh.

Xizmatida boʻlay,  dunyo turguncha.
Yoshim ulgʻayibdi, qadrin bilguncha.
Men xali ularni rozi qilguncha.
Otamni,  onamni asragin Olloh.