اے کَرن ءِ ساھگ ءِ آس ءَ کَسے کہ سر نئیتیں
منی زمین ءِ پُتینکاں چہ دْرچکے در نئیتیں
اے کوہ ءُ کَور پہ تئی گِندُکی ءَ نادراھنت
انار گْروھگیں بچکندگے نزر نئیتیں
بہ گند باتن ءِ بیوانکی مودگے جیڑیت
آ کونج اَرس ءِ رمے دیدگاں گِسر نئیتیں
داں آپ ءِ کالک پدا گوپتگ اَنت زِر کَوش ءَ
گُبار شُشتگیں سِترانی رنگ در نئیتیں
اے گُنگدامیں تب ءِ ھاجت ءَ را کئے پھمیت
چہ ساھگانی زُبان ءَ کَدی ھبر نئیتیں
بلوچ ءِ ھون ھمُک درچک ءِ شھرگ ءَ پِٹیّت
آ سرمچار کہ کوہ ءَ بہ رَوت دُبر نئیتیں
بہ باتاں گِیش مُرادیگ پہ وتا ارمان
کہ تئی اَبیتکی ءَ تھنائی ءِ اَسر نئیتیں
خالق ارمان -
منی زمین ءِ پُتینکاں چہ دْرچکے در نئیتیں
اے کوہ ءُ کَور پہ تئی گِندُکی ءَ نادراھنت
انار گْروھگیں بچکندگے نزر نئیتیں
بہ گند باتن ءِ بیوانکی مودگے جیڑیت
آ کونج اَرس ءِ رمے دیدگاں گِسر نئیتیں
داں آپ ءِ کالک پدا گوپتگ اَنت زِر کَوش ءَ
گُبار شُشتگیں سِترانی رنگ در نئیتیں
اے گُنگدامیں تب ءِ ھاجت ءَ را کئے پھمیت
چہ ساھگانی زُبان ءَ کَدی ھبر نئیتیں
بلوچ ءِ ھون ھمُک درچک ءِ شھرگ ءَ پِٹیّت
آ سرمچار کہ کوہ ءَ بہ رَوت دُبر نئیتیں
بہ باتاں گِیش مُرادیگ پہ وتا ارمان
کہ تئی اَبیتکی ءَ تھنائی ءِ اَسر نئیتیں
خالق ارمان -