منشور من الدفعة السابقة مفيد حبيت نفيدكم
:

👇🏻

السلام عليكم ..

بما إن الجدول نزل وتم تحديد موعد البدايه ان شاء الله موفقين جميعاً دفعه 43و الباقون للاعادة من دفعة 41 و42 .. حبيت نكتبلكم منشور لعله يفيدكم ولو في حد حاب يضيف معلومه يتفضل في التعليق ..
نبدأ معاكم بموقف من يومين شفت طالبه في كليه الاسنان وهي توا في السنه الرابعه وماشاء الله دائما نسبتها في ال90 سألتها وقلتلها شن نظامك فيديني قالتلي بالحرف "هدّي " يعني يوميا خشي على شيتاتك بقلب حاامي ماتخلش شي يضعف عزيمتك .
والخلاصه: يااريت ياااريت ماتسمعوش من الناس السلبيه الي تبي تحطمكم .. ولو مش خاشين معاهد ره مش نهايه الدنيا عااادي جدا القرايه في الرأس مش في الكراس ..
نبدأ معاكم في الموااد بسم الله

1 الدنتل اناتومي دكاترة الجامعه كلهم متفوقين وشرحهم ممتاز افهمو كويس اول شيت الي اسمه المقدمه وبعدين كله يكون ساااهل بالنسبه للتسجيلات الشبلي ممتاز جدا و محمد الاوجلي ممتاز وخياااالي اذا صعب عليكم حاجه اسمعو تسجيلاتهم وإياكم ماتحضروش في الجامعه

2 الدنتل ماتيريل دكاترة الجاامعه كلهم كويسين وممتازين وعلى رأسهم الدكتورة مرضيه وسلمى شرحهم كويس جدا
وما يمنعش انكم تسمعو للدكتور الصالحين وماتسيبوش محااضرات ابدا

3الفيسيو دكتور عزام خيااالي جدا وشرحه مبسط ودكتورة رجاء شرحها حلو وممتع والي تقول اكتبوه معايا هو هذه الامتحان عندكم ك تسجيلات الشبلي والسنفااز

4الهستو الدكتورة ليلى شرحها معقد لكن الدكتور عبد الرؤوف شرحه بسيط والي يركز عليه هو الي يجيبه في الامتحان دكتورة نعيمه برضو كويسه ممكن تسمعو للشبلي او اليمني او حودي هما الثلاثه كويسين بس حودي افضل وااحد

5 الاناتومي وما ادراك ما الاناتومي مهما كان دكاترة الجامعه كويسين او مش كويسين الماده هذه تبيلها تخيل و فيديوات وتكتب وترسم بروحك

6باايو دكتورة سارة مش مقصرة في شرحها ودكتور الشلطماني بالنسبه ليا افضل دكاترة وبعدين تجيك صبورة دكتور القرقوري مع تسجيلاته
وربي يوفقنا اجمعين..

ياريت تهتمو وتلمو اكثر الدرجات في الجزئي
واسفه على الاطالة...