MK_Blog

#ilm #kuzatganimdan_parcha

Ta'limni rivojlantirishga hamin qadar yaxshi harakatlar bo'lyapti, lekin ba'zida ko'ngilni xira qiladigan holatlar ham yo'q emas.
Bir nechta real-case larni sanab o'taman:

1) Meni "ishlash uchun" LNS "firma" siga taklif qilishdi. Suhbat davomida menga savol berayotgan bolaga "bu sohani tanlashingizga nima sabab bo'ldi?" deb savol berganimda u o'sha ishini boshlagan momentda bundan boshqa varianti yo'qligini, стройка da qiynalib ishlab yurganini aytib berdi. U bolani ichini oz-moz tasavvur qildim (halol hunar va ozroq bilim kerak ekan unga). Lekin "baxtiga" shu tarmoqli marketing kasbi "nasib qilibdi".
Balki ilmga qiziqmagandir? Qiziqtirilmagandir?

2) Bozorga qachon chiqsam qiynalib bo'lsa ham halol yo'lda arava tortib non topayotganlarni ko'p uchrataman. To'g'ri, bu taqdiridir. Lekin juz'iy ixtiyor insonni o'zida bo'ladi. Balki ular yoshligida ilmga qiziqmagandir? Qiziqtirilmagandir?

3) Soppa-sog'lom insonlarni "yordam" so'rab yurganlarini hoh metroda bo'lsin, hoh ko'chada - yayov, tez-tez uchratib turaman. Hatto ulardan ba'zi uchiga chiqqan qalloblar ham yo'q emas. Balki u qalloblikni o'zidagi bor "ilm" tufayli "yordam olish" deb hisoblar? Balki yoshligida ilmga qiziqtirilmagandir?
...

Bu bir mening yaqin o'tmishimda bo'lib o'tgan hodisalardan parcha. Lekin bularni zimdan tahlil qilsa jamiyatimizga, millatimizga ilm va ta'lim qanchalik zarurligini anglab olish qiyin emas nazarimda.

©️@Blog_by_MK

"Vaqt o'tayapti, ota-ona mehmon bo'lar ekanda bu dunyoda, xammamizni bir (kun) tashlab ketadi"

©️ Otasini erta tuproqqa qo'yib, onasi va ikki opasiga tayanch bo'lishga urinayotgan bir insoning so'zlari

©️@Blog_by_MK

#prediction #qiziq

Agar bola 1 kunda 1ta kitobning 14% dan kam bo'lmagan qismini o'qisa, u 11 yil mobaynida 500 tadan ortiqroq kitoblarni o'qib chiqa oladi.
Bola 15 yoshigacha kamida 500 ta sara kitoblarni o'qib chiqishi kerak.

©️ Muhammadali Eshunqulov gaplari asosida yozildi.

©️ @Blog_by_MK

#kuzatganimdan_parcha #bola_tarbiyasi

Bola tug'ilishi bilanoq toza, sof fitratda tug'iladi. Unga nimani qanday o'rgatsa shunday qabul qiladi. Agar egrini to'g'ri deb o'rgatilsa, bola uni shunday - to'g'ri deb qabul qiladi. Ota-ona bir narsani bolaga kesatiq bilan tushuntirsa bola uni to'g'riligicha qabul qiladi va katta bo'lganida ham ota-ona bilan muomalada ularga ham huddi avval o'ziga qilinganidek kesatiq ila javob qaytarishi ehtimoldan holi emas.

©️@Blog_by_MK

#subyektiv #fikr #mashxurlik_dardi

Ummatga foydasi tegadigan nimanidir kashf qildikmi yoki nimadir biror oxiratga qadar foydali bo'ladigan bir ishni do'ndirib qilib qo'ydikmiki, mashhurlikka bunchalik intilamiz?

Did we discover something that is useful for ummah or do a work that gives benifit to ummah till yaum-al 'aaxiro?
Then why do we "so" hurry to be a popular?

P. S.: Theese are my subjective thoughts.

P. S.: Bular mening subyektiv fikrlarim.

Manbaa

©️@Blog_by_MK

Sizga bir "заказ" kelsayu, siz uni pulga qilib bersangiz, - bu odatiy hol. Lekin gap ta'lim haqida ketganida, bo'lib ham 2-sinf bolalari uchun, bo'lib ham millatimiz kelajaklari uchun bu заказ ni tayyorlab berganinggizni his qilganingizdan so'ng, "essiz, bu ishni yana ham yaxshiroq qilib berishim mumkin edi... " degan hayol insonning ichidan o'tsa g'alati bo'lar ekansan kishi...

📌Kichik eslatma: Kam pulga bo'lsa ham bu qilingan ish millat kelajagining bir qismiga aloqador bo'lsa, uni hamin qadar "pro" qilib bajarish kerak ekan.

@Blog_by_MK

"Umar ibn Hattob r.a. aytadi: Agar sizga ilm foyda qilmasa, unda (u ilm) sizga zarar qiladi."

©️ Abdulloh domla

#fikr #kelib_qoldi

Solih (yaxshi) do'stlar bilan suhbatda qalb dam oladi, iymon kuchayadi, o'zaro bir biriga havas uyg'onadi, o'z ustida ishlash g'ayrati ortadi...
Shunday suhbatlar bo'lib turgani sayin inson oliy maqsadini yana bir bor eslab oladi.
والله أعلم.

©@Blog_by_MK

"Najot ta'limda, najot tarbiyada, najot bilimda"
Najot Ta’lim esa Chimboy, Xadra, Chilonzor tomonlarda😉

©️Sayyoh

#kuzatganimdan_parcha

Tirnog'iga lak qo'ygan va u hijobda.
G'alati steriotip)

@Blog_by_MK

#sahobalar_hayotidan #juma_maruzasidan #fikr

Har jum'a kuni namozda ikkinchi azondan keyingi aytiladigan tasbeh (shunday nomlash mumkin bo'lsa) deyarli bir xil bo'lar edi. Bugungi jum'a namozida esa bir ajib tasbeh aytildiki, be-ihtiyor ko'nglim shodlandi. Tasbeh Arabchada, va orada tahminiy ma'nosi shunday (shunga yaqin) so'zlar bor edi:

"Mo'minlarning amiri qaysiki bor budini (moli, bolalari, o'zi) Alloh yo'lida fido qilgan Abu Bakr Siddiq*,
Mo'minlarning amiri qaysiki qo'lidan Qur'on tushmagan¹ Umar ibn Hattob*,
Mo'minlarning amiri qaysiki, kechalari Qur'onni tilovat qilib chiqqan Usmon ibn Affon*,... "

¹ - Umar r.a. ning qo'llaridagi Qur'on o'qilaverganidan ancha mo'jaz (100 martadan ko'p o'qilgan kitob) bo'lib qolgan ekan.

* - roziyallohu 'anhu

P. S. Kim ko'ngliga kelajakda bir jamoatning (jamoa, kollektiv) rahbari bo'laman deb maqsad qilgan bo'lsa, yuqoridagi insonlar - tarixda munosib iz qoldirgan sahobalarning hayotini o'qib - o'rganib chiqishini shart deb bilaman.
"must have" der edimi)

@Blog_by_MK

Minglab dollarlik jihozlar chinni buyumlar bilan bezatilgan uyning bir burchagida kitoblar uchun joy topilmasa bu uy qimmat bo'lgani bilan musibatga to'laligiga shubha yo'q.

©️t.me/Muhammad_Sarvar7

#svet o'chdi.
Yaxshi hamki metroni ko'proq kutibmiz😐
Metroda qolib ketganlar bormikan xuddi Amirsoydagidek?

@Blog_by_MK

#sahobalar_hayotidan #iqtibos #кумер

Biz tanigan bugungi dunyo milliarderlari hozirgi mavqe'lariga chiqish uchun ozmuncha ter to'kishmagani aniq.
- Ilon Mask - Kanadadan Amerikaga ko'chib ketatotganda jamadonida 3000 ta kitob bilan ketgan.
- Jek Ma - Ingliz tilini Buyuk Xitoy devorida, sayyohlardan o'rgangan.
- Bill Geyts - vaqtida u
"Basic" dasturlash tilini ingliz tilisidan ko'ra yaxshiroq bilgan.
...
Va yana bunday qiziq hayotiy misollardan bir nechta topiladi.
Sahobalar hayoti esa, vaqtida, bir musulmon bosib o'tishi mumkin bo'lgan yo'lning eng shirin va og'ir davrlari bo'lgan.

Bu postimda Abdurrohman ibn Avf roziyallohu 'anhu haqida ba'zi bilganlarimni ulashmoqchiman.

U kishi Abu Bakr Siddiq roziyallohu 'anhu da'vatlari ortidan islomga kelganlar. 10 ta jannat bashorati berilgan sahobaning yettinchisi, o'sha paytda 30 yoshda edilar.
Bir kuni Rosululloh 'alayhissalom musulmonlarni jihodga (jangga) da'vat qilib qo'shinni qurollanirish uchun ko'mak so'raganlarida Abdurrohman ibn Avf roziyallohu 'anhu birinchilardan bo'lib yordam berdilar. Rosululloh 'alayhissalom "- Oilanga nima qoldirib kelding?" deb so'raganlarida U kishi "- Olib kelganimdan yaxshirog'ini, - Alloh va rosulining rozilligini qoldirdim... " deya javob berdilar.

"Siz bilan bizni jamiyatda tutgan o'rnimiz qanday bo'lishidan qat'iy nazar, albatta sahobalardan qaysi biridir sizga (bizga) o'rnak bo'lishga yaraydi"
©️Abdulloh domla

@Blog_by_MK

Havas qilgan insoningiz ("кумер"ingiz) kim?

Yaqin tarixda biznesmenlar mediada tez-tez ko'rinib qolganlaridan keyin ko'pchilik yoshlar ularga havas qila boshlashdi. Kimdir ilmiga, kimdir boyligiga va kimdir butun boshli shaxsiyatiga.
Stiv Jobs, Bill Geyts, Ilon Mask - bularga ilmi bo'yicha qiziqilsa (havas qilinsa emas), hayoti o'rganilsa yaxshi ekan degan xulosaga keldim. Chunki biz havas qiladigan insonlar shundoq ham yetarlicha. Ularning hayoti mediaga bog'lanmagan bo'lgan va faqat kitob holida yozilgan edi. Ilon Masklarni esa, nafaqat kitoblari bor, mediada ham deyarli o'chmas iz qoldirishga ulgurishdi. Shuning uchun ular "taniqli" va "havas qilarlik" bo'lib qoldi.
Menga kimdir aytgan edi "Stiv Jobs - men uchun "кумер" " - deb...

Xullas, biz havas qiladigan insonlarning hayotini o'rganishimiz kerak, ularning hayot yo'liga astoydil qiziqishimiz kerak.

P. S.: Ustoz ichimdagi gapni aytibdilar🙈

@Blog_by_MK

Instagram reklama uchu juda qulay bo'lganligi uchun ko'pchilik biznes egalari yoki o'zini nimadir maqsadda tanitmoqchi bo'lganlar bu platformada reklama berib turishadi, bu bilan yaxshi tanishsiz. Shunday rekalamalardan birini bir kun ko'rib qoldim. Bir tarafdan jahlim chiqdi, bir tarafdan achinib ketdim. Nimagaki, reklamada bir "ta'riflashga so'z yo'q" qiz Buxoroda tushgan rasmini "target" qilayotgan edi reklamada.
Shunda quyidagilarni yozgan edim:

HURMAT

"O'zbek"dek necha asr an'anamiz saqlab keldik?
Bobolar me'rosin asrayman deb xarob qildik.
Mana kunlar keldi, pul topish-chun qaylar yeldik?
Bir befarosat rasm tushmish ochib kindik!

Mayli rasm tushsin hohlagancha faqat bu joydamas,
Aytayotgan gaplarimni o'ylab ko'ring, hazil emas.
Bobolarning mehnatlarin qadrlash lek bunday emas,
Necha asr tariximiz - tilla, lekin hozir emas.

Ibn Sinolarga hurmat bugun shunday bo'ldimi?
Borgan joyin bo'ston qilgan Temur bugun "o'ldimi"?
Yo butun dunyo shunchaki ustimizdan kuldimi?
Bobolarga bo'lgan hurmat shunday "hissiz" bo'ldimi?
29.09.2021, 23.35
M_Kenjayev

@Blog_by_MK