موضوع شغلني لفترة طويلة هو إنه احنا بالمدارس وخاصة مرحلة السادس الإعدادي نظام ممنهج يعني مايعلمونا المادة حرفيًا وإنما يعلمونا شلون نعدي الإمتحانات يعني آني اريد أطور نفسي بكذا موضوع مجرد اسأل سؤال يقابلني رد " ابني هذا خارج المنهج لاتنشغل بي خليك بالمنهج وبس " يعني ادرس تكامل سنة كاملة وماعرف شنو الغرض من دراسته إله أطلع وأبحث يَلا أعرُف الغرّض وهالشيء خَلاني آخذ كذا نظرة على واقعْ التعليّم الواقِع، يعني أتمنى لو آخذ صلاحيات وأكيد أشوف أفكار وأنهي هذا النظام البائِس حرفيًا تدمير مَيعني نهائيًا بس اكو هواي أفضل.. طالب سادس سوي ١،٢،٣ تطلع ١٠٠ وتصير بروفيسور وات؟ أمتحن والمعلومات اتركها على ورقة الإمتحان!! إلا نادرًا ما يستذكر الطلاب منها السنة الّي إنقضَّت ، كُل شيء يعدي وياها والدليل اذا تسأل شخص شنو صارلك بالرابع اعدادي يگولك مرا فلان سوه هيج وضحكنا، تگله برو دراسة شنو المواضيع؟ يردَّك يابه مو خلصت وين مرجعنا أنت ، يجوز هاي وجهة نظري بخصوص التعليم والنظام الدراسي بالبلد واكيد لكُل شخص ورأيه بس عن نفسي أعاني كُلش من هذا الموضوع وأتمنى يصير فدشيء أفضل لإن زاد عن حده ودتشوفون المنهجية والافكار الي يزرعها بعض الاساتذة للطلاب..