موضوع متكامل عن
انقطاع الاكل او فقدان الشهيه
بسم الله الرحمن الرحيم
كيف تتعامل مع حاله بتمثل معظم شغل الطبيب البيطرى الا وهى
انقطاع الاكل
اولا / قبل كل شيئ نمشى على خط رئيسى هو اللى هيحدد اتجاهنا الا وهو درجه الحراره
درجه الحراره دى تعتبر اهم فحص بيعمله الطبيب البيطرى لانها بتوجهه الى طريق من ثلاث طرق

1/ حراره طبيعيه
وهنا اللى هيفرق معانا هو الفحص الثانى اللى هو السماعه بمعنى اسمع لى الكرش شوف شغال ولا لا والكرش زى ما احنا عارفين بيتسمع من الجهه الشمال من جوعه الحيوان بتسمع زى ميكون رز بينزل على الارض الصوت ده الطبيعى انك بتسمعه حوالى مرتين او ثلاثه فى دقيقتين ولازم تكمل الدقيقتين عشان ممكن الكرش بيجيب حركتين ورا بعض فى اخر الدقتين
أ/الكرش شغال وزى الفل يبقى السبب اصابه ديدان شديده او نقص املاح والعلاج انك بتعطى حاجه للديدان زى ايفوماك ومعاه شربه زى البندازول وتحت املاح معدنيه على العلف
وممكن برضه يكون فيه اسهال مع الحالات دى
ب/الكرش شغال برضه بس مش بياكل يبقى دور على الفم ممكن يكون التهاب فى الفم او مشاكل فى الاسنان خصوصا فى الخيول
ج/الكرش واقف وهنا هنفرق بين 3 حجات
.الكرش واقف بس بطن الحيوان مش منفوخه او مش ميلانه بالاكل وكمان تاريخ الحاله مش بيدل على انها كلت بكميه كبيره علف مثلا ودى تبقى حالات عسر هضم ودى بتبقى حالات سهله
العلاج
هيكون كيس سوبر ماش او بايكوديجست مع منشط للكرش زى كافوزال او تراى بى
.بطن الحيوان زايده او مليانه اكل اضافه الى تاريخ الحاله بيكون انها كلت مركزات او علف بكميه كبيره وهنا تسمى اللكمه وهنا العلاج بالترتيب
-عالج الحموضه سواء فى الدم او فى الكرش ابدا الاول بلاكس فيت عشان حموضه الكرش ولو الحاله شديده اووى يبقى لازم تدى محاليل عشان حموضه الدم والمحاليل بتكون
isotonic sod bicarbonate 1.3%
حوالى من لترين اللى خمسه
-طلع اللى فى الكرش وهنا هندى ملين زى زيت البرافين وانا بفضل مع زيت البرافين ملح انجليزى لو الحاله مش عشر لان زيت البرافين ملين خارجى انما الملح الانجليزى بيلين كتله الطعام زات نفسها وكمان بيزود حركه الامعاء
- من اهم الخطوات فى علاج اللكمه وهى الانتى هستامنك لان الحاله ممكن تبرك او ترقد منك لو مش لحقتها مضاد الهستامين
وهنا الانواع فيه بشرى زى الافيل وده معدش موجود او تفاجيل وطبعا اى حاجه بشرى امبول / 70 كيلو فيه بيطرى زى الانتى ستامين او هستاكيور
- منشطات الكرش
عصب بى تراى بى او نيوستجمين او بيكاهيبار
عضلات تشغله وهنا ننشطها ب كافوزال او ارزنال
وسط قلوى بلاكس فيت
مايكروفلورا تهضم وهنا دور السوبر ماش والبيكوديجست
-و الحقنه الشرجيه ودى بتعطى انطباع قدام صاحب الحاله بالراحه وكمان بتطمنى ان السبب مش انسداد فى اى جزء من الجهاز الهضمى
.ثالث حاجه وهى بطن الحيوان منفوخه بالهو ا عنده نفاخ
وده تشخصيها مش بيحتاج كلام لانها واضحه وهنا الحراره هتفدنا برضه لو الحراره عاليه يبقى شك ان الحيون ده بالع وحصل تروماتك وبلع مغناطيس بسرعه او شوف الحاله وصلت للقلب ولا لسه
الحراره عاديه اعمل الاتى
-دخل خرطوم صفى الهوا اللى فى الكرش وده اهم شيئ لان بدونه مهما علجت الهوا مش هيطلع وهتفضل نفخه وكمان الزبون مش هيرتاح
-اعطى زيت برافين لتر / 100 كيلو مخلوط معاه بلوتريل زجاجه كامله لعلاج الانتفاخ
-اعطى بيكاهيبار 1سم /10 كجم
اعطى لاكس فيت كيس واحد على لتر ماء
-مضاد للهستامين برضه معانا هنا
كرر العلاج مرتين لو الحاله اتكررت
يبقى ادبح او اعرض عليه تعمل فتح كرش لان الحاله بالعه

*الحالات اللى فاتت كلها لو الكرش مستجبش للعلاج يبقى فيه
اما vagus indigestion
او بالعه بمعنى فيه حاجه فى الكرش

*فيه حالات كتير مش بتستجيب للعلاج
لان السبب بيكون انها بتكون بعد الولاده بحوالى شهرين
وده بيكون سببها كيتوزيس وهنا هتعرفها انها بتكون بعد الولاده زى ماقلنا كمان البول والفم ليه رايحه مميزه زى التوم او التفاح البايظ
وكمان بتميل لاكل الحجات الجافه زى الدريس بدل المركزات
والعلاج بيكون جلوكوز 25 % مع ديكسا ميثازون او بريديف
لحد مالحاله تتحسن
******************
2/ الحراره عاليه وبالتالى الكرش هيكون واقف برضه
اللى هيهمنا هو سبب الحراره لان طول مالحراره عاليه الكرش مش هيشتغل بالتالى الحيوان مش هياكل
الحراره بتتقاس بالترمومتر من فتحه الشرج والطبيعى بيكون معاك من 37.5 لحد 39 فى الابقار والجاموس
الماعز والاغنام من 39 الى 40
الخيول من 37.5 الى 38.5
لازم تقيس الحراره تزيح الترمومتر بايدك عشان يلمس الركتم مش يلمس الفيسس اللى طبيعى بتكون حرارتها عاليه عن حراره الجسم