ОНАМ АСРА, ХУДОЙИМ

Менинг омад қуёшим,
Доим бўлган сирдошим,
Иссиқ бағрида бошим,
Онам асра, Худойим.

Орзу-умид уйғотган,
Жаннат ҳиди келётган,
Болам,-деб яшаётган,
Онам асра, Худойим.

Доим топади имкон,
Қилай деб бахтли инсон,
Малол олмаган ҳар он,
Онам асра, Худойим.

Кулсам, яйрайди бирам
Шодон кулгин,-дер ҳар дам,
Меҳрибоним—бу онам,
Онам асра, Худойим.

Мен учун жони ҳалак,
Энг гўзали шу малак,
Доим қилай бир тилак,
Онам асра, Худойим.

Оқизмагин кўз ёши,
Синамагин бардоши,
Омон бўлсинда боши,
Онам асра, Худойим.

Қувват берар танамга,
Дард тегизма онамга,
Нур тўлдирган хонамга,
Онам асра, Худойим.

Ҳеч ким бўлмас онамдай,
Онам асра, Худойим.

Муаллифига рахмат