بعضې خلک


وخته کله تاسره
وخته کله ما سره
دا سړۍ خو پېژنې
جوړ ده له هر چا سره
مخکې جمهوریت کې وو
اوس ده له ملا سره
ستا وایي له ما سره
زما رازونه تاسره
هلته نیکټایی کې وو
وو چې له شړونګا سره
دلته بیا لونګۍ وهي
ګرځي چې له ما سره
ڪله له تیارو سره
ڪله له رڼا سره
ڪله له مګس سره
ڪله له بورا سره
ڪله مسلمان سره
ڪله له ګبرا سره
شنو ځنې طواف کوي
ورشي له ګډا سره
ڪله ڪله ستا غلام
ڪله ڪله چاسره
ڪله وي د ترامپ بچی
ڪله اوباما سره
تل به دا مخ توری وي
سپین نه شو رڼا سره
مونږ سره کینه لري
ژوند کوي جفا سره
بل ته وفادار وي تل
دوي ته ژمن وفا سره
اخلمه قسم درته
سل فیصد ریښتیا سره
جوړ خو په ولاکه شي
وطالبه تاسره
څوڪ چې اوسيدلی وي
غرب غوندې ابا سره
دوی د دین  اسلام دښمن
ضد لري له تاسره
پوه نه شوم له چا شوي
خټه یې وه چا سره
یا به د یهودو وه
یا له امریڪا سره
وایه حیدري صیب
سپینې له وینا سره

شاعر زینت الله حیدري

@haidari11