تدري؟ مستحيل، مستحيييل ربي يخذل قلب صبر وتحمل وتحمل وتحمل، مستحيل ربي يشوفك تنكسر وما يعوضك، مستحيل تعبك يضيع عند الكريم، عند الرحيم، عند اللي يدير لك كل شي بحكمة ما تستوعبها الحين، بس بعدين؟ بتشوف، وبتقول: "الحمد لله على كل لحظة صبرت فيها، والله ما خاب ظني فيك يا رب".
يمكن الحين تشوف الضيق محاوطك من كل جهة، تحس إنك تحاول تراضيه، ما فيها فايدة، ما فيها شي يطمن قلبك، تحس إنك الله ما يكتب الوجع عين، كل شيء محسوب، وكل دقيقة تعبت فيها لها مقابل بيجيك يوم تقول: "آاااااه، وش سويت عشان أستاهل كل هالخير؟!"

ربي إذا أخذ شي، عطاك بداله أضعاف، بس يمكن ما يكون بنفس الصورة اللي كنت تتبها، يمكن يكون أعظم، يمكن يكون أقوى، يمكن يكون أحلى بكثير. بس أنت اصبر، لا تخاف، لا تجزع، لا تخلي الدنيا تهز ثقتك برب العالمين.
الله مو معطيلك هذا الابتلاء لأنه يعاقبك، أبدًا، الله يحبك، الله يرفعك، الله يجهزك لشيء ما تتخيله، ما تدري؟ يمكن لو ما صار اللي صار، ما كان بيجيك الخير اللي يجيك بعدين، يمكن هذا اللي يوجعك اليوم، هو نفسه اللي بيكون سبب سعادتك بكرة.
اصبر، اصبر لين الصبر نفسه يتعب من صبرك! دام الله معك، وش تبي أكثر؟ لا تهتم لخذلان الناس، لا تهتم لقسوة الدنيا، دام اللي خلقك وياك، أنت بخير، أنت محفوظ، أنت في أمان، حتى لو قلبك منكسر الحين، ثق، بس ثق، وبتشوف الجبر اللي يخليك تبكي وتقول: "ياااااا رب، ما توقعت الخير يكون بهالعظمة!"