حلقه 18
الكاتبة Ayoota ben dardaf
اسيل : لييييش ليييش لا ياربي لا لااااا مش توا مش توا بعد هالسنين
تخبط في السيارة وتقول لا أما اصيل طلع برا ورفع راسه للسماء
اصيل : قلت ان حنشوفك وقلت ان مستعد للحظه هذي ليش حاسس روحي تبي تطلع
بسام : وين وين هذا وين شفناك
اصيل: ياراجل مزال نبي انعدي انشوف هلي شنو ناقصهم
بسام : خلاص معش في ألمانيا
اصيل : خلاص
بسام حضنه : والله ورايفت عليك يارفيقي
اصيل : والله وانا
بسام : مزااااال في قدامنا تقعميزة طويييله غير انشوف علي كيف حتكون ردت فعله
اصيل تغير وجه : تم ياريس (عدا)
بسام ركب : هيا
اريج : انراجو في اسيل
بسام : اسيل شفتها طلعت بسيارة توا
اريج ومروة ايشوفن في بعضهن
بسام : خير في شي
مروة : لا شي اهااا اسمع جعانه
بسام : حتى بعد جبتي بطنك كبيرة
مروة : ريحني ترا نبي ناكل
بسام : صحه صحه كولي بس مش اتعيطي فوق راسي نبي ننقص ورايحه سمينه
اريج : اي نقص خلااص تنسى حاجه اسمها الجسم مدام في هالكتكوت الجميل
مروة : خلاص معش نبي
بسام: معقولة ياعيوني عارفك أنا اهم شي الغذاء عشان البيبي مش عشانك
مروة : باهي فهمت
بسام : بس اول مرة انشوف وحده جايبه لها يوم وفطرت ثلاث مرات
مروة : دكتور بسام أنا بحاجه الا دم كان تفهم ومانبيش نقول من السبب
بسام : نذبح روحي عشانك غير قوليلي
مروة : لا بس حبيت انذكرك
اريج تضحك ورافعه البيبي لما نزلو عطاته لهم وبدت اترن علي علي
اريج : وييينك
علي : شنو في كنك
اريج : قلت ويينك وينك
علي : وراك
اريج تلفتت : جدا مضحك
علي قفل : ههههه بكل
اريج : مش وقت ضحك توا
علي : انتي يلي اضحكي
اريج : عليييي
علي : قدامك طالباتك
اريج : عليش ماقالتلي ان اصيل روح
علي : كييف
اريج : وفوقها بدا يشتغل هنا
علي : اهدي اشويه وفهميني من روح
اريج : اووف علي اساس ماتعلمش
علي : اريج احكي وفهميني
اريج : شكلك ماتعلمش
علي : شرايك انتي
اريج : باهي نحكيلك ونحن مصبين
علي : اللهم صبرك ف الصبح خشي هي
×××××××××
بسام : امييي ياااميييي
سالمه : حفيدي جاا حبيب جدته جا
محمد : جيببه ليا جيبيه
مروة مقعمزة اترن علي اسيل مافيش رد
سالمه : وين اختك
بسام : مش قاعده في الحوش
سالمه: طلعت من بدري علي اساس جايتكم
مروة : جت وطلعت
سالمه:وين عدت البنت
بسام : حنرن عليها .... مافيش رد
سالمه : يارب سترك
محمد : تأهدي اشويه وحتجي عليش تكبير الشطحه هذي كلها
مروة : أكيد ماسمعتش الفون وعندها شغل اشويه وتجي
سالمه :  يمكن .. وتوا مريوه تريحيلك في الدار قلت الدروج واعرة عليك مش حتقدري تركبي حتقعدي في الدار هذي ( حوش محمد فيله بس عشان ولده صكر علي جزء من فوق دار وحمام ومطبخ وصاله )
بسام : من حتقعد في دار من وانا قاعد
مروة : بسام ردبالك عمو قاعد
بسام ايقرب : ياهو غمضو اعيونكم نبي نرفع مراتي للشقه فوق
محمد : غير اعقل راه تصيرلك حاجه في ضهرك وبدل ماتْعَالِجْ اتَعَالَجْ
بسام : وراسك حنرفعها
بسام رفعها وسالمه اتهزب ومحمد يستغفر ويدعي ربي يهديه
بسام :وصلنا (ياخذ في نفس )
مروة : فضحتني قدام باتك
بسام : مراااتي اسمعي حي عليك نقصي ضهري وجعني
مروة : تستاهلها من عقلك انت ترفعني وهذا وين جايبه
بسام : ها تبي تقعدي في الدار لوطه وندلعك قدامهم احسن صاح
مروة : هاا؟!
بسام: توا تعالي جاي
مروة: اسسس يبكي
بسام : من
سالمه ادق ع الباب : افتح ياعاقل ياكبير لولدك
بسام خذا وسكر : قصدك من توا زاقب في كل شي
مروة : جيبه جيعان وديرلي حاجه جيعانه
بسام : بدينا
مروة : مش تبي بيبي مزاااال مابدينا
××××××××
اريج &علي في الكافيتريا
اريج : بعد جيت في الصبح شفت اصيل أيسلم علي بسام قدام الغرفه تعرف كلمه صدمه كبيييرة شوفته
علي : يعني روح خلاص
اريج : عندك خلل في الدماغ شكلك
علي : يابنتي وين نندري انه حيروح هذا عليش منصدم
اريج : ناعلي بوي نا قديشها اتهبل بنتي منك
علي : جيجي خلينا انركزو توا في اسيل ممكن
اريج : ذكرتني
علي : كنك
اريج اترن : جت اسيل من بدري حاولت نشغلها أنا ومروة عشان ماتشوفاش بس مش عارفه شنو صار طلعت علي اساس الحمام واختفت وزيدها ماتردش
علي : صدقيني شافو بعضهم
اريج : غير يختفي من قدامها بس مانبي منه شي
علي : حيقابلو بعضهم واااجد مزال ولا نسيتي ان هذي المستشفى لخاله وانتم موقعين علي عقد للشغل هنا اول ماتنهو السنه امتاعكم
اريج : تبيني نبكي توا اسيل ماتعلمش ان هذي المستشفى لخاله لو تعلم ماوقعت
علي : اخرااا
اريج : حسني نبي ننفجر فيه لو شفته معقولة بعد 5 أسنين 5 طلع قدامنا من جديد
علي : هوا اختفى عشانها مش معقولة ايرد توا وماتنسيش الحب يلي بيناتهم ماختفش