عم أتخيل لو رجع الزمان فينا لورا !
ورجعنا صغار !

صدقني حننام بكير من دون مانجادل أو نناقش
بعد ما أرهقنا السهر والتفكير وأنلف صحتنا

حنشبع من كل الحبايب الي حولينا
بعد ما فارقنا نصهم وتغير علينا النص التاني

حناكل أي شي بينحط عالسفرة ولو كان زيت وزعتر
بعد مافقدنا طعمة الأكل وبركته

حنكون أصدقاء الكل بالمدرسة والحارة والشغل
بعد ماقررنا ننعزل عن الجميع أو نكون وحيدين

حنستمتع بكل دقيقة عم تمر من عمرنا
بعد ما هلكتنا هموم السنين

نحنا عم نكبر بس سعادتنا ضلت صغيرة
وضايعة بذكريات الماضي