قصيده بعنوان ( من ينقل الجسد الخضيب )تحكي اهات مصرع سيد الشهداء عليه السلام
على طور/ ادور اعليك يبن امي ولا واحد يدليني..


المستهل
بالمصرع طريح احسين ياهو الي نگل جثته
زينب و الحرم ضجن الله يعين گلب اخته
┄┉❈❥ًً❀(«🧿»)❀❥❈┉┄
كل من طاح بالحومه حسين يحمله للصيوان
يجيبه وبدموع العين.... يودعه يخبر النسوان
شجاه اتعطل ومارد الوالي بساحة الميدان
بس لا منذبح الحسين
هاي الحرم تدري منين
دارت هالكفر صوبين
والسجاد مابي حيل عليل ويجذب بونته
بالمصرع طريح احسين ياهو إلي نگل جثته

✍️ من جوار امير المؤمنين "ع"
ام محمد باقر
┄┉❈❥ًً❀(«🧿»)❀❥❈┉┄
المهر من شاف مولانا وگع الحسين ظل يحمي
وسهام العدى صوبين انهالت عالمهر ترمي
ظل حاير بابو السجاد ويشوف الجسد مدمي
صد عيونه عالخيام
راح الهه بحزن والآم
ويصِهل يا نبي الاسلام
ابنك وذروه الكوم ضامي ويابسه شفته
بالمصرع طريح حسين ياهو اللي نگل جثته

✍️خادمة الزهراء أم كرار الطائيه

┄┉❈❥ًً❀(«🧿»)❀❥❈┉┄
أم الخدر من جاهه.. المهر خالي بهظم صاحت
ضجت بالبچي اعياله... ازغار اكبار بي حاطت
يزينب خل نروح اوياچ.. وتركض للولي راحت
وصلت هيه والأيتام
جسد وعليه كَثره سهام
وحيد ابين هالظلام
تناديه بگلب مجروح.. شنهو الذنب لعملته
بالمصرع طريح حسين ياهو اللي نگل جثته

┄┉❈❥ًً❀(«🧿»)❀❥❈┉┄
اشوفنك على مجبل يا مهر الابو الغالي
شبت بالقلب نيران من شفت السرج خالي
كلي وين خيالك عفته شلون للوالي
زين العابدين ينوح
اخذها وياك مني الروح
الحرم محتاره يالمطروح
وانه اسمع بواجيهن عليك وحيلي هدمته
بالمصرع طريح حسين ياهو اللي نگل جثته

✍الشاعرة/ازهار الجياشي

┄┉❈❥ًً❀(«🧿»)❀❥❈┉┄
يمهر حسين شتحشم وكل ولياني عالغبره
ما ظل بس حرم واطفال وعليل المنحني ظهره
وآنه تكفلت بيهم غريبه وحرمه ومخدره
ابويه منين اجيبه الحين
يشيله للخيم لحسين
ونودعه بدموع العين
ما دارت عليه عدوان ولجان الخيل ساحكته
بالمصرع طريح حسين ياهو اللي نگل جثته

✍️أزهار جبار الجياشي

┄┉❈❥ًً❀(«🧿»)❀❥❈┉┄
حرم وانذهلت وحارت شلون تروح للغالي
وحده تناشد بوحده هل ميمونه رد خالي
اجاهن غاير ويصهل وماضل بالخيم والي
صاحن وين خيالك
شجاك ومايل اعنانك
رعبت اگلوبنه شمالك
جايب ياعلم ميشوم.. طايح وين ماشفته
بالمصرع طريح حسين ياهو إلي نگل جثته

✍من جوار امير المؤمنين "ع"
ام محمد باقر
┄┉❈❥ًً❀(«🧿»)❀❥❈┉┄
للحومه تعنن ليه و لگنه اعله الثرى مطروح
يون ويلوج سمعنه ودمه اعله الارض مسفوح
لاجرح و يشدنه الف وتسعمية جروح

وطعنات الجسد كثره
لاذن كلهن بكتره
وزينب حايره باامره
صاحت زينب بحركه جمر حشاي وجرته
بالمصرع طريح حسين ياهو اللي نگل جثته

✍الشاعره حسينية الهوى
زهراء الحربي
┄┉❈❥ًً❀(«🧿»)❀❥❈┉┄
عويل ايتام ابو اليمه سبع العاليه تهدهن
نساوين وعليها الجيش بنار ومعتني لحدهن
لاذن بالجسد كلهن كل ظنهن يساعدهن
وحده تناشده و تنحب
ووحده تگله دمعي اشرب
ووحده تخبره وتعتب
عفتنه يالعميد اشلون.. فراگك مو بعد وكته
بالمصرع طريح حسين ياهو اللي نگل جثته

✍من جوار امير المؤمنين "ع"
ام محمد باقر

┄┉❈❥ًً❀(«🧿»)❀❥❈┉┄
بالمصرع تون وتنوح وين اهل الحميه
خليهم يجوني ابساع نشيل ابن الزجيه
قبل لاتسحك ضلوعه الخيول الاعوجيه

وتتهشم مفاصيله
خلي نلحك نشيله
بلكي يرجع لحيله
من شفته انه بهالحال زادت بالقلب علته
بالمصرع طريح حسين ياهو اللي نگل جثته

✍خادمه ذبيح الطفوف

┄┉❈❥ًً❀(«🧿»)❀❥❈┉┄
نادت زينب بحرگه وينك يا علي احضر
شوف حسين بالميدان ويلي طاح وتوذر
سحگوا صدره يا كرار من ايده طايح الخنصر
بنات حسين بالحومه
تلوذ بكتره مهضومه
تشوفه امسلبه اهدومه
وحده تشمه من نحره ووحده بصوت نادتّه
بالمصرع طريح حسين ياهو اللي نگل جثته

✍خادمة الزهراء /ليلى زغيب

┄┉❈❥ًً❀(«🧿»)❀❥❈┉┄
ظل محتار ابو الباقر وعالمظلوم بس ينوح
بويه بس حرم ظلت كون تروح مني الروح
ولا اسمع بجي النسوان ولا اسمع صدى المذبوح

الرباب تصيح وبهيده
عگبك سگف ماريده
صارت شوفته بعيده
اگعد اسمع نحيبي بعدك عمري ماردته
بالمصرع طريح حسين ياهو اللي نگل جثته

✍الشاعرة ام زيد الشمري
┄┉❈❥ًً❀(«🧿»)❀❥❈┉┄
تمت
✍✍باأقلام خادمات اهل البيت عليهم السلام

https://t.me/ECYULhLFeQ2NTYy