°❀•✵🍃🕊🍃°❀•✵

ـ🔹🔹 ﷽
(اللهم صل علئ محمد وآل محمد وعجل فرجهم )

قصيده مفجعه بحر طويل شوط كربلائي

يالسجاد گلـــــي شلون جمعت اوصاله بحصيره
گلبــي يگول درت العين وصارت حيرتك حــيره

ـــــــــــــــــــــــــــــــــــــــــــــــــــــــــــــ

ياعمـه انشــــلع گلبك ودمع الـعيون يبرالك
من شفـت الجسد دامي الله يعاين لحالك
تمنيت ابهذيچ الساع كون امگطعه اوصالك
روحك طلعت اعله احسين حرت ليا جهه اتديره

ـــــــــــــــــــــــــــــــــــــــــــــــــــــــــــ

حرت اديره من ياصوب وهوأمرضرضه أوصاله
مابيهن كــترسـالم وراسه أبـــــــرمح نشاله
بس الجــــــــسد عالتربان وحال الضيم ياحاله
ولگيت اثر حافر خــــيل وگلبك خان تعبيره

ـــــــــــــــــــــــــــــــــــــــــــــــــــــــــــــــ

أبيــــــــش تعبر الحاله ودموعك جرت أنهار
بَچـيت السمه والگاع من ونك على الي صار
لزمت احصيره ياعمه وجمعت أوصال ابو الاحرار
وغـــسلته بدموع العين ونزلته بهل الحفيره

ــــــــــــــــــــــــــــــــــــــــــــــــــــــــــــــ

بعـــدهه جبت عبد الله وخليته على صدره
اول منــــــدفن ياناس يوسدونه على نحره
وعبد الله طفل بعده و بس الجسد عالغبره
راسه معلـــــــــــگ اعله رماح بيد المالهم غيره
ـــــــــــــــــــــــــــــــــــــــــــــــــــــــــــــ

ياهوجـــــــــرع ياعمه مثل الي جرعته انته
مثل حالــــــة أبوك ابيوم رد لزمهه خاصرته
هيج اليوم حالك صار من جسم الابو دفنته
خلصت الدفن بالويل ورديت ابهل الضهيره
ــــــــــــــــــــــــــــــــــــــــــــــــــــــــــــ

🖇تـمــت بتـــوفيــــق الله

🖊بـٲنامــل شاعرة ٲهـــل البيت عليهم السلام
زهـــراء الحــــربي

وغير مبري الذمه ٲمام الله واهل بيت محمد((ع)) من يحذف الاسم وينشرها ٲوينسب القصيده لــنفسه 🚫

💬ونسال الله التوفيق والقبول
وٲسالكم الدعاء👆

https://t.me/ECYULhLFeQ2NTYy