🔶 @Ema_Hauramyenmy
🔷🔶🔹🔸

حه‌فت سین

بۆرێ بەڵكوو سۆسەن و نەسرین و ڕێحان، دۆ دیار
ئەرخەوان، زەنبەق، وەنەوشە و نەرگسی جوان دۆ دیار

تۆ وەهار ناری هەزار جارێ وەهار بێ شەڵتەما
دڵ پەرێشانا مەگەر زڵفی پەرێشان دۆ دیار

هەر بە تەنگی ساڵەها مانۆ دەروونی تەنگەلان
مەر دەمی تەنگت چەنی سیمای پەڕ و پان دۆ دیار

سەرکەش و سەرکاو و لاپاڵ و بنار و مێرگ و چەم
وەرهەما مەر هەم بە مەرهەم خەیر و ئێحسان دۆ دیار

ساڵێ تازێ سفرەما بێ سین مەکریۆش دیدٚەکەم
با سەر و ساق، ساعێد و سینەی نمایان دۆ دیار

ساڤوو کوڵما و سۆسەنوو خاڵا چەنی سەوزەو قژا
ڕازنا یانەو غەریبی و کوفر و ئیمان دۆ دیار

سینوو «سەعدی» تێكەڵوو هەر حەوتی کەرمێ بۆ بەهەشت
حۆر و غیلمان، جەننەت و ئەنهاری یەزدان دۆ دیار

#سه‌عدی_غه‌ریبی👏

🔶 @Ema_Hauramyenmy
🔷🔶🔹🔸