قصائد محرم الحرام

نزله ) ( الأمام العباس)
.................................................................
يستر الله ياناس من الاسمه عباس
من يطب للحومه تشهدلنه علومه
..................................................................1

يستر الله من الكمر
أخوزينب لونضر
تدخل الحومه بخطر
من يسل بتاره

اخو زينب والنعم
يهزم وماينهزم
هذا صكارالزلم
الجيش يمحي اثاره

ابوفاضل من يطب
يكلب العسكر كلب
ويمه محد يكترب
من لزم فقاره

بزود طب العباس
لزم درعه والطاس
كباله شردت الارجاس
عالعده شن غاره

من علي جيدومه
من يطب للحومه

..................................................................2
يستر الله من الكفيل
هذا ابوذراع الطويل
يشبه لحامي الدخيل
يشبه لحامي الحمه

أعداه مامرتاحه
من يطب للساحه
الشرد والله لاحه
سوه بالطف ملحمه

الله يستر من يطب
تجدح عيونه غضب
يكلب الحومه كلب
هذا راعي الغانمه

الجيش صاح وناده
طبها عم الساده
كطع روس القاده
وروسهم تنزف دمه

بالحرب هذا يومه
من يطب للحومه
...................................................................3
صال صوله اعلى الكفر
عباس سيطر عالنهر
دخلت الحومه بخطر
الحرب دك ناقوسها

الزلم ترجف خايفه
نزل شيخ الطايفه
الزلم تشرد حالفه
الزلم دنكت روسها

الفحل وابن الفحل
توسط الحومه ونزل
الله يستر لوزعل
الزلم حوس يحوسها

نزل شيال العلم
نزل صكار الزلم
الزلم سواها غنم
الزلم دوس يدوسها

صولته معلومه
من يطب للحومه
...................................................................4
نزل شيال اللوه
رحبت بيه نينوى
رايته ترف بالهوه
شمحلاها والله الرايه

عباس طب بزوده
ياهو يدنه حدوده
لاخته وفه وعوده
لاخته منطي حجايه

هي نادت كافلي
هو كلها تتدللي
النهر لاجلج بت علي
جبته هو ومايه

ابوفاضل لوغضب
نار بالحومه يشب
سيطره هو نصب
عالنهر دك ثايه

بيده الملزومه
من يطب للحومه
..................................................................5
الله يستر هاليوم
الحومه طبها الجيدوم
تخاف منه الكوم
العده ضلت حايره

دخيل صاحوا دخيل
الخيل ردمت بالخيل
النهار اصبح ليل
طبها سبع الكنطره

عالنهر لمن وكف
الشمر كلبه رجف
والجيش لونه انخطف
ضنوا اجاهم حيدره

يشطر بسيفه شطر
دخيل صاحوا يالكمر
صفوف صفهم عالنهر
عالذبح لزموا سره

الضهر شوفهم نجومه
من يطب للحومه
...................................................................
الشاعر عماد محمد الدراجي
الاثنين 2020/9/7


https://t.me/Emad_Al_Daraji