Ethiopian Legal insight

ባለአንድ አባል ኃላፊነቱ የተወሰነ የግል ማህበር አንድአንድ ባህሪያት

በአዲሱ የንግድ ህግ አንቀፅ 174 መሠረት ሰባት ዓይነት የንግድ ማህበራት ያሉ ሲሆን እነዚህም 1) የኃብረት ሽርክና ማህበር 2) ሁለት ዓይነት ኃላፊነት ያለበት የሽርክና ማህበር 3) ኃላፊነቱ የተወሰነ ሽርክና ማህበር 4) የእሽሙር ማህበር 5) የአክሲዩን ማህበር 6) ኃላፊነቱ የተወሰነ የግል ማህበር 7) ባለአንድ ሰው አባል ኃላፊነቱ የተወሰነ የግል ማህበር ናቸው፡፡ እንደ አዲስ ከተካተቱት ሁለት ሲሆኑ እነሱም ኃላፊነቱ የተወሰነ ሽርክና ማህበር እና ባለአንድ ሰው አባል ኃላፊነቱ የተወሰነ የግል ማህበር ናቸው፡፡ባለአንድ አባል ኃላፊነቱ የተወሰነ የግል ማህበር ማለት አንድ ሰው በግሉ በሚሰጠው መግለጫ መሠረት የተቋቋመ የንግድ ማህበር ነው፡፡ማህበሩ ከአባላት የተለየ እና የተነጠለ የራሱ የህግ ሰውነት ያለው ነው፡፡ይህን ማህበር ለማቋቋም የሚያስፈልገው አነስተኛ ካፒታል መጠን ብር 15.000(አስራ አምስት ሺ ብር) ነው፡፡ባለአንድ አባል ኃላፊነቱ የተወሰነ የግል ማህበር የሚመሰረተው አባሉ በሰነዶች ማረጋገጫ እና ምዝገባ ፅ/ቤት በመቅረብ በሚሰጠው መግለጫ ነው፡፡ይህ መግለጫ መመስረቻ ፅሁፍን የተካ ነው፡፡አንድ ባለአንድ ኃላፊነቱ የተወሰነ የግል ማህበር ሌላ ባለአንድ አባል ኃላፊነቱ የተወሰነ የግል ማህበር ሊያቋቁም አይችልም ይህን ተከላልፎ የተቋቋመ ማህበር ያገባኛል በሚል ሰው ጠያቂነት ሊፈርስ እንዲሁም በምስረታው ምክንያት እና በኃላ ለ3ኛ ወገኖች ላይ ለሚደርሰው ጉዳት አባሉና ማህበሩ በአንድነትና በተናጥል ኃላፊ ይሆናሉ፡፡አንድ ግለሰብ ነጋዴ ወደ ባለአንድ አባል ኃላፊነቱ የተወሰነ የግል ማህበር መለወጥ የሚችል ሲሆን ግለሰቡ ማህበሩን ከመመስረቱ በፊት ለገባበት ዕዳ ሁሉ ከማህበሩ ጋር በአንድነትና በተናጥል ኃላፊ ይሆናል፡፡

#share #lawyer #legalsupport #legaladvice
#ethiopianlaw #legalcounsel #legalhelp
#ህግ #የህግ ምክር #የኢትዮጵያ
#ethiopianlegalinsight
www.ethiopianlegalinsight.com
https://t.me/Ethiopianlegalinsight

አካለመጠን ያላደረሰ ልጅ ምን ምን ሊያከናውን ይችላል?
በኢትዮጵያ የፍትሐብሔር ህግ አንቀፅ 198 መሰረት አካለ መጠን ያልደረሰ ማለት በሁለቱም ፆታ(ወንድ ወይም ሴት) እድሜው ገና 18 ዓመት ያልሞላው ሰው ነው በማለት የደነገገ ሲሆን በተመሳሳይ የህፃናት መብቶች ስምምነት ህፃናትን በሚመለከት ሕግ አካለ መጠን የመድረሻው እድሜ ከዚህ ያነሰ ካልሆነ በቀር በዚህ ስምምነት ‹‹ህፃን›› ማለት ዕድሜው ከ18 ዓመት በታች የሆነ ማንኛውም ሰው ነው ይለዋል(የሕፃናት ስምምነት አንቀፅ1)፡፡በመሆኑም ይህን የህፃንነት ትርጓሜ በመያዝ አንድ አካለመጠን ያልደረሰ ሰው ምን ዓይነት ህጋዊያን ተግባራትን(judicial act) ለመፈፀም ይችላል የሚለውን ስናይ፡፡የተለያዩ ሀገራት የተለያየ አስራር የሚከለቱ ሲሆን አንዳንድ ሀገሮች በአንዳንድ ሀገሮች አካለመጠን እስኪደርስ ድረስ ማንኛውም ዓይነት ህጋዊ ድርጊት በወኪሉ በኩል ይሰራበታል እንጂ እራሱ ስራ ማከናወን አይችልም(one joint stop emanicipation) የሚሉ ሲሆን ሌሎች ደግሞ ልጁ በመብቱ በተሟላ ሁኔታ ሊሰራበት የሚችለው ደረጃ በደረጃ እየተለማመደ ሲመጣ ነው(progressive emanicipation) ከሚል እምነት ይነሱና አካለመጠን ከመድረሱ በፊት አንዳንድ መለስተኛ ጉዳዮች ላይ እንዲወስን በህግ እድል የሚሰጡበት አሰራር ነው፡፡የኢትዮጵያ ህግ ሁለተኛውን መስመር የተከተለ ነው ለማለት ይቻላል፡፡ በመሆኑም በኢትዮጵያ ህግ በአንድአንድ ጉዳዮችን 18 ዓመት ከመድረሱ በፊት የሚያከናውናቸው ህጋዊያን ድርጊቶች ያሉ ሲሆን ለአብነትም 1) ኑዛዜ ማድረግ ፡-አካለመጠን ያልደረሰ ልጅ 16 ዓመት ካልሞላው ኑዛዜ ሊያደርግ እንደማይችል በተሻሻለው የቤተሰብ ህግ አንቀፅ 195(2) ላይ ተደንግጓል፡፡2)ከሥራው የሚያገኘውን ገቢ መቀበል፡-በኢትዮጵያ አካለመጠን ያልደረሰው ልጅ ዕድሜው 14 ዓመት በላይ ሲሆን ከሥራው የሚያገኘውን ገቢ እራሱ ይቀበላል(የተሻሻለው የቤተሰብ ህግ አንቀፅ 263(1))፡፡3) ልጅነትን መቀበል ስለመቻሉ፡-አካለመጠን ያልደረሰው ልጅ ምንም እንኳን አካለመጠን ባይደርስም ልጄ ነው ሲል መቀበል እንደሚችል ተደንግጓል(የተሻሻለው የቤተሰብ ህግ 134(1)፡፡4) የእለት ጉዳዮችን የሚመለከቱ ውሎች ማድረግ፡-አንድ ሞግዚት በግልፅ ወይም በዝምታ አካለመጠን ያልደረሰው ልጅ ውል እንዲዋዋል ሊፈቅድለት ይችላል(የተሻሻለው የቤተሰብ ህግ አንቀፅ 192(1))፡፡በመሆኑም በኢትዮጵያ ህግ አንድ አካለመጠን ያልደረሰ ወይም 18 ዓመት ያልሞላው ልጅ 18 ዓመት ሳይሞላው በፊት ኑዛዜ ለማድረግ፣ ከሥራው የሚያገኘውን ገቢ መቀበል፣ልጅነትን መቀበልና እና የመሳሱለትን ማከናውን ይችላል፡፡

#share #lawyer #legalsupport #legaladvice
#ethiopianlaw #legalcounsel #legalhelp
#ህግ #የህግ ምክር #የኢትዮጵያ
#ethiopianlegalinsight
www.ethiopianlegalinsight.com
https://t.me/Ethiopianlegalinsight