الِثقه بالنَفس 🌥️💚 "
كُلكم جانت عندكم ناس تحبط مَن مَعنوياتكم أبسط مثال هوا أنُ مثلاً أنتَ تريد تنجز شيء لو مثلاً عندك حلم لو أبالك فد شغلة مُعينه بيها فائدة ألك أجه واحد كلك يمعود تحجي صدك ما تفيدك ما تستفاد شيء لو يكلك مو وقتها هسه عود من تتأكد من نفسك وتثق بنفسك ويصير براسك خير بذاك الوكت سوي الشغلة الفُلانية" ويكعد يتفلسف براسك ويطلعلك كم حجه أنتَ هنا تحبطت معنوياتك وثقتك بنفسك تدري ليش لان هوا أنسان سلبي ثقته بنفسه مُهتزه أنسان ما ينجز حياته كُلها فراغ ماعندة شيء ف شيسوي بهاي الحالة؟ يشوفك أنتَ جاي تفكر صح عندك ثقه بنفسك تجاه ألشي ألمُفيد ألي راح تسوي ويشوفك أنتَ صرت أحسن منه من ناحية التفكير وغيرها يكعد يحبطك لحد ما يقنعك خلص أنتَ شنو تسوي تبقى "فاشل ماعندك لا ثقه بنفسك ولا فد أنجاز بسيط بحياتك وهُم ذول ألناس السلبية"
زين شلون أبتعد عن الناس السلبية؟
مَبدئياً شوفوا شكد ما تكدرون حاولوا تبتعدون عن الناس السلبية لأن هيج ناس ألها تأثير جداً كبير من ناحيتنا شوفوا أنا قبل جنت أيضاً عندي أشخاص سلبية بحياتي لأبعد الحدود شسوي شي بي فائدة جانوا بس يحبطوني حرفياَ بس كلام سلبي أسمع منهم والأن الحمدلله تخلصت منهم هسه أكللكم شلون ، من تشوف شخص إيجابي حاول تتقرب منه وتخلي صلة بينكم مبدئياً أنتَ من نفسك رح تبتعد عن الناس السلبية لأن من تحجي ويه شخص إيجابي تحس كلامةة يحفزك وعندة ثقه بنفسه ويحب أنُ يومه يكون عبارة عن انجاز هنا بنفسك أنت رح تتغير طريقه حياتك وتفكيرك وروتينك اليومي حتى لذالك دائماً نكول أبتعد عن الشخص السلبي وخليك ويه الشخص الأيجابي،
زين فاطمة أنا عندي مُشكلة وهيه التنمر وبسببه ثقتي بنفس مُهتزه وديأثر على حياتي اليومية شلون أتخلص منه؟
دائماً تذكر أنُ كُل شخص تنمر عليك وكالك أنتَ هيج وهيج وضل يسقط بيك وانتَ هيج طولك وأنتَ هيج وزنك وأنت قبيح وانتَ هيج حياتك وانتَ والخ.. من الكلام ألي ما أله معنى تدري هذا الأنسان شنو النقص ألي بداخلة وكمية الحقد ألي بقَلبه عليك ماتنوصف تدري ليش لان كل شخص هيج يكلك تذكر أنُ هذا الشخص كلمة فاشل قليلة بحقه حرفياً وأنتَ أو أنتِ عليمن منطي أهتمام أصلاً وتفكرون بكلامة كل كلام سلبي وكل تنمر يجيك حتة لو كان من الأهل فعل وضعية "I don't care" أنا لا أهتم ودائماً قبل لا تنتقد نفسك سواء تنتقد شكلك شخصيتك اي شيء بيك بسبب كلام البعض دائماً تذكر أنُ أنتَ تبقى نفسك أنتَ وتبقى نفس الكلام السلبي يجيك لان انتَ أو أنتِ ما حطيت حدود للشخص اليتكلم عليكم ويتنمر عليكم
زين شنو فاطمة ألمُختصر المُفيد من الكلام؟
1_ أترك الأشخاص السلبية .
2_كون مع الأشخاص الايجابية دائما لأن تدريجياً أنتَ أو أنتِ رح تتغيرون للأفضل ورح تلاحظون هالشي عليكُم.
3_حط حدود لكُل علاقة سواء أقارب أصدقاء لكُل شخص خلي حدود مو هذا صديقي لو صديقتي والله عود أنا وياة خوة مدري شني من هذا الكلام ألي ما أله داعي خليها أبالك رح تتغير الأخوة هاي ورح لو يسحبك لطريق سيء لو يتجاوز عليك وخاصتاُ على أهلك وتصير صداقة كُلها عبارة عَن فساد .
4_من تريد تسوي فد شيء مُعين يفيدك أنتَ شخصياً نهائياً لا تكول لأي شخص زين تريد تحجي أحجي لرب العَالمين جل جلاله لأن دأئماً ألله وياك لا تتوقع يعوفك.
5_كُل شخص يتنمر عليك وكفه عِند حَدة وأصلاً لا تهتم وتجاهله لأن كلامة لا رح يقدم ولا رح يأخر.
أخر شيء أكوله أنُ ماكو شيء يأثر على ثقتك غير كلام الناس" لذلك أختار أشخاصك الصح".
🪶خادِمتكُم فاطِمة .