တပ်ကြပ်ကြီးဖိုးကွန်း ✍✍✍

ငါ့စကားနွားရပြောတဲ့ ဂွမ်မော်
====
တပ်ချုပ်ကြီး တရုတ်မသွားခင် ရက်ပိုင်းလောက်အလိုမှာ BBC နဲ့ ဂွမ်မော် တွေ့ဆုံမေးမြန်း ခန်း အစီအစဉ်ထွက်လာတယ်။ ဒါမျိုး အင်တာဗျူးက ဒီလိုအချိန်မှာ အကြောင်းမဲ့ထွက်လာ တာမျိုးတော့ မဟုတ်ဘူး။ တစ်ချို့အသံတွေကို ပြည်သူကြားစေလိုတာထက် နိုင်ငံရေး Stakeholder တွေ၊ တခြားသော အထူးသဖြင့် တရုတ်ဘက်ကို အသံလွှင့်ချင်လို့ ကြားစေချင်လို့ ထုတ်ပြန်ပုံရတယ်လို့ပဲ ယူဆတယ်။
--
အင်တာဗျူးက မိနစ် (၂၀)လောက်ပဲ ကြာတယ်ဆိုပေမယ့် တချို့ အရေးကြီးတဲ့ အချက်တွေတော့ ပါနေတာ တွေ့ရတယ်။ အထူးသဖြင့် KIA နဲ့ တရုတ်ကြားမှာ စစ်ရေးနဲ့ ပတ်သက်ပြီး တရုတ်ဘက်က ဘယ်လိုလိုလားတယ်၊ KIA ဘက်က ဘယ်လို အနေအထား ရှိတယ်ဆိုတာမျိုးလည်း တွေ့ရတယ်။ အစိုးရအတွက် စိတ်မကောင်းစရာတစ်ခုကတော့ လက်ရှိ ကမ္ဘာပေါ်မှာ မြေရှားသတ္တုထွက်တာ ရာခိုင်နှုန်းများတဲ့ ဒေသတစ်ခုက ပြည်ထောင်စုအစိုးရရဲ့ အုပ်ချုပ်မှုအောက်မှာ မရှိနေပဲ လက်နက်ကိုင်တစ်စုရဲ့ လက်နက်အောက်မှာ ရှိနေတာကို မဖြေရှင်းနိုင်တာကတော့ စိတ်မကောင်းစရာပဲ။ ဒီလိုပြောလို့ ပြည်နယ်အစိုးရတစ်ရပ်မှာ လုပ်ပိုင်ခွင့်မရှိရဘူးလို့ဆိုလိုတာမျိုးမဟုတ်ဘူး။ ရွေးကောက်ပွဲအရ ရှိမနေတဲ့လက်နက်ကိုင်တစ်စုရဲ့လက်အောက်မှာ ဒီဒေသရဲ့ အာဏာ(၃)ရပ်စလုံး ရောက်နေတဲ့အနေအထားကို သတိပြုမိစေချင်တာ။ ဒီဝင်ငွေတွေက ပြည်ထောင်စု အထဲလည်း မဝင်လာဘူး။ ဒီပြည်နယ်မှာရှိတဲ့ ဒေသခံတွေအတွက်လည်း အကျုံးမဝင်ဘူး။ ဒါက KIA တစ်ခုတည်းပြောတာမျိုးတော့မဟုတ်ဘူး၊ “ဝ”လည်း ထိုနည်းလည်း ကောင်းပဲ။
----
လူပိန်းနည်းနဲ့ တွေးတွေး… တိုင်းရင်းသား မျိုးနွယ်စုကို နာမည်ခံပြီး လက်နက်ကိုင်နေတဲ့ EAO မှန်သမျှက ဘယ်အစိုးရတက်တက် အခါအခွင့်သင့်တာနဲ့ တိုက်ပွဲတွေဖော်ဆောင်နေ ဦးမှာပဲ။ ဘာလို့လဲဆိုတော့ ဒီလိုမျိုး ကာလာပြောင်းတတ်တဲ့ EAO တွေကိုယ်တိုင်က အဝယ်ခံ လက်နက်ကိုင်အင်အားစု တစ်ရပ်ဖြစ်နေကြတာပဲ။ ဒီအင်တာဗျူးရဲ့ နောက်ဆုံးပိုင်းမှာ NCA နည်းလည်းမဟုတ်သော ဆိုတဲ့အချက်ကို ကြည့်ရင်သိသာတယ်။ တကယ်ဆို NCA ရဲ့ မူလဇစ်မြစ်နေရာက KIA ထိန်းချုပ်နယ်မြေပဲ။ ဘာလို့ အဆုံးသတ်မှာ KIA က လက်မှတ်မထိုးခဲ့သလဲ။ တခါတလေ ကိုယ်တွေ ငြိမ်းချမ်းရေးဖော်ဆောင်နေတဲ့ ဘက်မှာလည်း NCA လမ်းက အစုအဖွဲ့က တစ်မျိုး၊ NCA မဟုတ်သော အစုအဖွဲ့က တစ်မျိုး ဆိုပြီး ဆွေးနွေးတာမျိုး တွေ့ရတယ်။ ဒီလိုလမ်းကြောင်းစပြီး ကွဲမှတော့ ဘယ်လိုလုပ်တစ်စု တစ်စည်းတည်းဖြစ်နိုင်တော့မှာလဲ ဆိုပြီးလည်း တွေးမိတာမျိုးရှိတယ်။
---
သေချာတာကတော့ မြန်မာ့နိုင်ငံရေးမှာ တရုတ် ကြားဝင်ပါလာလည်း နိုင်ငံရေး လမ်းကြောင်းပေါ် တက်ဖို့ ဆိုတဲ့ ဖိအားမျိုးထက်မပိုပါဘူး။ မြောက်ပိုင်းလက်နက်ကိုင် တပ်ဖွဲ့တွေကို လက်စတုန်းချေမှုန်းဖို့ ဆိုတာမျိုးအထိ ရောက်လာမယ်လို့လည်း မမြင်ဘူး။ ဂွမ်မော်ပြောတဲ့အထဲမှာ သူတို့ထိန်းချုပ်တဲ့ နယ်မြေမှာလည်း ရွေးကောက်ပွဲ မလုပ်ရဘူး။ ပြည်မထဲမှာလုပ်နိုင်ရင်လည်း ဂုဏ်သိက္ခာရှိတဲ့ ရွေးကောက်ပွဲ ဖြစ်မှာ မဟုတ်ဘူး ဆိုတာက တော့ ..အတော်လေး ငါ့စကားနွားရ ပြောတယ်လို့ပဲ မှတ်ရမယ်။ နောက်ဆုံး စကားကုန်ပြောရရင် လက်နက်ကိုင်ရတဲ့ အကြောင်းအရင်းကိုတော့ စစ်အာဏာရှင်ပ ပျောက်ရေးလို့ခေါင်းစဉ်တပ်ထားကြပေမယ့် KIA ထိန်းချုပ်နယ်မြေထဲက မြေရှားသတ္တု တူးဖော်လို့ ကန့်ကွက်ဆန္ဒပြတဲ့ ဒေသခံတွေအပေါ် မှာ တောင် ဒီမိုကရေစီသဘောတရား မကျင့်သုံးနိုင်တဲ့ EAO တွေက “အာဏာရှင်ပပျောက် ရေး”လို့ ပြောတာကတော့ လွန်တယ် လို့ပဲ တွေးမိတယ်။
---
နောက်ဆုံး ပြောတဲ့စကားက ပိုပြီး ရယ်စရာကောင်းတယ်။ ခွင့်မလွှတ်နိုင်စရာ အမှားမျိုး မကျူးလွန်မိဖို့လိုတယ်ဆိုပဲ။ မအလတွေ စစ်ကိုင်းတိုင်းအထိ ဆင်းလာပြီး စီးပွားရေးအရ နယ်မြေချဲ့နေတာကျတော့ အကောင်း။ KIA ကြောင့် စစ်ကိုင်းအထက်ပိုင်း၊ ရှမ်းနီဒေသတွေ မှာ အကုန်စစ်မီးတောက်လောင်နေပြီ။ ဒီမအလ တွေက တကယ်ဗျင်းတဲ့သူနဲ့မှ တန်မှာ။

(နရီမိုး)

(၈)ကြိမ်မြောက် မဟာမဲခေါင်ဒေသခွဲ ထိပ်သီးအစည်းအဝေး (GMS) နစက အတွက် တန်ဖိုးမဖြတ်နိုင်တဲ့ အခွင့်အရေးပါ။ တရုတ်ဘက်ကလည်း လိုလိုလားလား ရှိပါလိမ့်မယ်။ ဒီအချိန်မှာ နှစ်နိုင်ငံ လူကြီးချင်းတွေ့ပြီး ဖြစ်ချင်တာ၊ ဖြစ်သင့်တာကို ပွင့်ပွင့်လင်းလင်း ပြောနိုင်ရင် အကောင်းဆုံးပါ။
---
တရုတ်ဘက်က ခုချိန်မှာ နစက ကို သိသိသာသာ ယိမ်းလာတာကလည်း အကြောင်း ရှိပါတယ်။ သာမန်အားဖြင့်တော့ ကျားဖြန့်ရှင်းလင်းရေးဆိုပြီး ပယ်မိသားစု လောက်ဖယ်ဖို့ ကြိုးစားခဲ့တဲ့ MNDAA က လားရှိုးအထိ ဆင်းပြီး တိုက်ပွဲရပ်ဖို့ ငြင်းဆန်နေ တာ အကြောင်း ရှိနိုင်တယ်ဆိုတဲ့အချက်ကို တရုတ်ရိပ်စားမိလာလို့ဆိုတဲ့အချက်က အဓိက ကျပါလိမ့်မယ်။ ပိုဆိုးထာတာ မဟာမိတ်ဖွဲ့ထားတဲ့ FPNCC အဖွဲ့ဝင်အချင်းချင်းမှာတောင် တဖွဲ့နဲ့တဖွဲ့ ရန်ဆောင်နေတဲ့ အခြေအနေမျိုးကို တရုတ် မနှစ်သက်လောက်ပါဘူး။ ဒီလောက် အဖွဲ့စုံ အောက်ခြေမှာ မညီညွှတ်တဲ့အခြေအနေမျိုးနဲ့လည်း BRI ကြီးကို အသက်မသွင်း လောက်ပါဘူး။ ဒါပေမယ့် တဖက်မှာ EAO တွေကို လက်စတုန်း သွားအောင်လည်း နစက ကို အားပေးမှာမဟုတ်ပါဘူး။ နိုင်ငံရေးဆွေးနွေးပွဲ လမ်းစပေါ် ရောက်အောင်လောက်သာ တရုတ်ဇောင်းပေးမှာပါ။ (လက်စတုန်းအောင်လည်း ဘယ်တုန်းကမှ မတိုက်ကြပါဘူး)
----
တရုတ်ဘက်က တွေးရင် ပွကြီး အထောက်အပံ့နဲ့ ဖြစ်လာမယ့် လက်နက်ကိုင်တွေ အားကောင်းလာရင် စကားပြောရ ပိုပြီးခက်လာပါလိမ့်မယ်။ ခုတောင် Geopolitic အရနီးစပ်တဲ့ MNDAA နဲ့ KIA တို့လောက်သာ ဖိအားပေးနိုင်တာပါ။ ရခိုင်ကို တရုတ် သိပ်မထိဘူး ဆိုတဲ့အချက်ကလည်း တွေးစရာပါပဲ။ နစကနဲ့ တပ်မတော်ဘက်မှာလည်း ဖိအားရှိပါတယ်။ ဆုံးရှုံးထားတဲ့နယ်မြေတွေကို ပြန်ရဖို့ လိုပါတယ်။ နစကပေးနိုင်တဲ့ နိုင်ငံရေးမူဘောင်က ၁၀၂၇ မဖြစ်ခင်က အခင်းအကျင်းပုံစံမျိုးလောက်ပါပဲ။
----
ကိုယ်ကတော့ ရေရှည်ပဲတွေးပါတယ်။ ပလောင်လူမျိုးနဲ့ ကိုးကန့်လူမျိုးက ဗမာလူမျိုး အင်အားနဲ့ ချိန်ကြည့်ပေါ့။ ရာခိုင်နှုန်း အချိုးအစား ကွာပါတယ်။ နစက မှာ နှစ်စဉ်ရနေမယ့် စစ်အင်အား ရှိတယ်ဆိုတာ မမေ့သင့်ပါဘူး။ ဒါတောင် ပလောင်နဲ့ ကိုးကန့်ထွက်တဲ့ နမ့်ဆန်နဲ့ လောက်ကိုင်ဒေသကို နေ့စဉ် ဗုံးကြဲတာ မရှိသေးဘူး။ ဒီနောက်ချန်တွေကို သာ ဗုံးကြဲနေရင် ရှေ့တန်းက စစ်တိုက်နေတဲ့ TNLA နဲ့ MNDAA လည်း တိုက်ပွဲဝင်လိုစိတ် ပျောက်မှာပဲ။ ရခိုင်မှာလည်း အတူတူပဲ။ မကွေးနဲ့ ဧရာဝတီတိုင်းဘက်ကသာ ဖြတ် လေး ဖြတ် နိုင်နိုင်ဖြတ်ပါ။ ငတ်ပြီးသေပါတယ်။ အဂတိလိုက်စားမှုရှိရင် ထောင်ချပြစ်ပါ။
---
ဘာပဲဖြစ်ဖြစ် GMS အစည်းအဝေးကနေ ကောင်းတဲ့ ရလာဒ်တွေထွက်လိမ့်မယ်လို့ပဲ အကောင်းဘက်က တွေးပါတယ်။ ကောင်စစ်ဝန်ရုံးကို ဗုံးခွဲတိုက်ခိုက်တဲ့အထိ ဥာဏ်တိမ် ကြတဲ့ အဖွဲ့အစည်းကတော့ ကိုယ်ထိုက်နဲ့ကိုယ်ပေါ့။

(နရီမိုး)

မနက်ဖြန် နိုဝင်ဘာ ၄ ရက်နေ့ဟာ ရုရှားနိုင်ငံရဲ့ သွေးစည်းညီညွှတ်ရေး နေ့ ဖြစ်တယ်။ ဆိုတော့ ရုရှားတွေဟာ မျိုးချစ်စိတ်ကိန်းအောင်းဖို့အတွက် ၊ တိုင်းချစ်ပြည်ချစ်စိတ် ရှိဖို့ အတွက် နည်းမျိုးစုံနဲ့ ကြံဖန်ကြတဲ့အထဲမှာ…..မနက်ဖြန်မှာ လုပ်မယ့် အစီအစဉ်ကလည်း ကိုယ်တွေ အစိုးရနဲ့တပ်မတော်အတွက် နမူနာယူသင့်တယ်လို့တော့ တွေးမိတယ်။
---
အထူးသဖြင့် မနက်ဖြန်မှာကျရောက်မယ့် ရုရှားသွေးစည်းညီညွှတ်ရေးနေ့မှာ ယူကရိန်းစစ် ပွဲကနေ ရလာတဲ့ စစ်သုံးပစ္စည်းတွေ၊ ယာဉ်ယန္တရားတွေကို မော်စကို အပါအဝင် စိန့်ပီတာ စဘက်မြို့တွေမှာ ပြည်တွင်း/ပြည်ပက သူတွေ မြင်နိုင်ဖို့ ခင်းကျင်းပြသဖို့ လုပ်နေတာ ရှိတယ်။ သဘောကတော့ ယူကရိန်းစစ်ပွဲမှာ ငါတို့ ရုရှားတွေအနေနဲ့ ယူကရိန်း တစ်နိုင်ငံတည်းကို တိုက်နေရတာမဟုတ်ဘူး။ ခု မင်းတို့ဒီမှာကြည့်စမ်း။ နေတိုးအဖွဲ့ဝင် နိုင်ငံတွေက ထုတ်တဲ့ စစ်သုံးယာဉ်တွေ၊ သံချပ်ကာတွေ ၊ ဒီမှာတွေ့လားဆိုတဲ့ သဘောမျိုးနဲ့ သက်သေထူလိုက်တာ တွေ့ရတယ်။
---
ကိုယ်တွေ တပ်မတော်မှာလည်း တရားဝင် တပ်မတော်ဆိုတဲ့ အဖွဲ့အစည်းဖြစ်ပါရက်နဲ့ ကိုယ့်ကိုထောက်ခံတဲ့ပြည်သူတွေ၊ ကိုယ့်တပ်မိသားစုဝင်တွေ၊ ရှေ့တန်းကျကျ တိုက်နေတဲ့ စစ်သည်တွေကို စိတ်အားတက်ကြွစေနိုင်တဲ့ ရန်သူ့ထိခိုက်သေဆုံးမှု ဓာတ်ပုံ၊ ရုပ်သံတွေ ကို ထုတ်ပြပေးနိုင်ရင် ကောင်းမယ်လို့တော့ တွေးမိတယ်။ ဘာဖြစ်လို့လဲဆိုတော့ ရမခ ဖြစ်စဉ်တွေမှာ ရန်သူရဲ့ ဒရုန်းတိုက်ခိုက်မှုတွေကိုပဲ လူမှုကွန်ရက်စာမျက်နှာတွေမှာ ပေါပေါသီသီ မြင်တွေ့ခဲ့ကြတာမဟုတ်လား။
ခုဆို ရမခ နဲ့ ရခိုင် အမ်းဒေသ တွေမှာ လေကြောင်းပစ်ကူယူပြီး တိုက်နေတဲ့ ရုပ်သံတွေဟာ မြေပြင်က စစ်သည်တွေ အတွက် စိတ်အားတက်ကြွစေနိုင်တဲ့ အနေအထားမျိုးပဲ။ ခုဆို တပ်မတော်ရဲ့ တန်ပြန် ဒရုန်းသုံးစွဲနိုင်မှုတွေ ခပ်စိတ်စိတ် မြင်လာတာ၊ ထုတ်ဖော်ပြသနိုင်လာတာတွေက အကောင်းဘက်ကတွေးရင် တော်တော်လေး စိတ်ဓာတ်ပိုင်းဆိုင်ရာ အား ဖြစ်စေတယ်။ စစ်ဆင်ရေးကိစ္စတွေ က လျို့ဝှက်သင့်တဲ့ အရာတွေပါ။ ဒါပေမယ့် နောက်ဆက်တွဲဖြစ်တဲ့ စိတ်ဓာတ်တက် ကြွစေမယ့် အခြေအနေမျိုးတွေကိုလည်း ခေတ်နဲ့အညီ ဖန်တီးပေးနိုင်ရင် အကောင်းဆုံးပါ။

(နရီမိုး)