حقيقة تعجبت من عدد مسلسلات او افلام كارتون الي متابعينا كانوا يشاهدوها بطفولتهم ، لكن الأعجب انو اني ما اعرف الا القليل جدا منها ، بطفولتي چنت مُغرم بأشياء أخرى ، بقناة أخرى غير سبيستون ، هي قناة الجزيرة الوثائقية ههههههههه ، ما اعرف بس هي هاي الحقيقة ، بحيث أقضي أغلب يومي گاعد وحدي صافن ع التلفزيون ومركز بكل حواسي مستمتع بالمعلومات الي تنعرض گدامي ، چنت كلش احب الافلام الوثائقية عن الحيوانات البرية والبحرية وشعوب وثقافات العالم والتاريخ القديم وفادني هالشيء بحياتي بشكل قليل او كثير ، بس مع ذلك أكيد چنت اتابع سبيستون واعرف كم كرتون مثل أبطال الديجيتال وروبوكون والسهم الملتهب وكابتن ماجد.