Gulbashakar

Hayotda hamma narsa o'ziga yarasha qiziq,ayniqsa,biz mansub bo'lgan toifalar hayoti.

Lev Tolstoy.

oʻtirib oʻylarkanman
hayotni bu qadar tez oʻtib ketishini jim bir chekkada his qilaman
yashashga
his qilishga
sevganlarimni quchishga ulgurmay ketsamchi?

kundaligimdagi keti uzilmaydigan orzularimni shu bir lahzada o’tib ketuvchi dunyodan umid qilyapman,
tuyg’ularimni his qilishlarini, ularni qadrlashlarini xatto o’z tuyg’ularidan bexabar insonlardan kutyapman balki,
qachondir hammasi ideal bolishini, ideal vaqt kelib oʻzimni eng yaxshi versiyamda yashashni boshlashimni kutib o’tiraman.

hammasi xuddi fantastik kinoning rangli senariysiga o’xshaydi
kutuvlarimni izohlashga so’z san’atining eng mujmal donalarini yig’ib olgandekman
idealizmimga ko’milib, dunyoning asl ranglarini inkor qilgancha samoga boqib otiraman.

lekin qaysidir lahza keladiki, oʻylovlarimni bir uchidan reallikka yoʻnaltirishim, hammasini chuqur aniqlashtirib, aslida hammasi oddiy formula ekanligini va u formulani oʻzim kashf qilib, har narsaga nisbatan javobgarlik’dan ozod boʻlish vaqti yetganligini his qilaman.

meni o’rab turgan jamiki ranglarni uyg’unlashtirib oʻz rangimni kashf qilgancha oldinga qadam bosish kerakligi
hech yo’qsa bugun tanam va ruhim uchun zarradek bo’lsada foyda topishga intilishim kerakligi
sevganlarimni bo’ynidan mahkam quchgancha izhorlarimni yetkazishim kerakligini
oʻzimga bot-bot takrorlayman.

oʻzim uchun mutlaq aniq shakl va hayoliy intiho dasturini topish uchun kunlarimni, balki-da umrimni sarflayman.

#Nukta

Hammaga birdek yoqish istagi-eng kulguli istakdir.

#olindi

Shunda men baxtning o‘z maqsadiga erishishda emas, balki unga intilish jarayonida ekanligini anglab yetdim.

"Telba"