نعت شريف

لويه خـدايـه لــه غمونو نـه خالې ده
مدينه کـي بــهـــتــريــنـــه زِندګې ده

مين زړونـه ورنـه ســاه ده ارام اخلې
دومره پاکه له هر رنځ يي عاشقې ده

دګـنـا پــه زنــګ وهــلــي زړونه واړه
صفاکـيـږي پــکــې دا هـــم يقينې ده

دمکي او مــدنـې جانان پـه روى مې
پيدا کــړي الله خـپـلـه بادشهاهې ده

دبوتانو جِــنـازه لـــه کــعــبــي ټــولـه
پکې خاص دحقېقې خداى بندګې ده

ده دونيا ښکلاوې ټولې ترينه زار شه
تر تـمـام جــهــان بــالا زمونږ نبې ده

حافظ سنګري ته خپل ددر ملنګ کړه
ته يـې ومـنـه حبيبه ډيـــر عاصې ده

حافظ سنګري