السلام على عقيلة حيدره السلام على صبرها وقدس الله المها. 😭


وي كل مسيه. يتعاله صوتي
ارحمني يارب. قربلي مووتي
عودي ذبل. مات الامل. من بعد اخوتي
__________
المن ايدك كلبه. المفارك حبيبه
يصبح من الدنيا بس دمعه نصيبه
من مصيبه يطلع ويدخل مصيبه
ويه كل لحظر تصير براسه شيبه


مايشفه جرحه. ابمر الليالي
ويعينه الله. الفاكدله غالي

عشت العمر. دمعه وصبر. من بعد اخوتي
______________
بجالهم جان الهوه. يسجد اليه
والضوه يتوضه اذا. يدخل عليه
محلا كعدتنه كبل. جنه سوويه
فاركوني ابكربله. اوشفت الاذيه

جانو اخوتي. يشوفوني ايه
وانه انظرلهم. سوور وحمايه

حيلي انهدم. كلبي انثلم. من بعد اخوتي
__________________
بوكعة اخواني انذبح. حلم الطفوله
المو رجل مثل علي. دور الرجووله
كتله انه اخت الكمر. رد ابسهووله
الكمر يم المشرعه. دمه اعله طوله

بيده الثكيله. طكني وشتمني
ومثل الزجيه. عالخد سطرني

ضاع الصبر. راح الخدر. من بعد اخوتي
______________________
حركو اخيامي وحرت. مدري شسوي
كمت اطفيها وجمر. بجفوفي يجوي
تطفه خيمة سكنه خيمه رملة تدوي
والشمر يضحك اشوفه. لمن اهووي

كل ساعه اعثر. عالغبره ونحب
وخولي ينادي. ضحكو اعله زينب

دمعي انهمر. ضهري انكسر. من بعد اخوتي
__________________________
رحت لحسين اشتكي. وجروحي كثره
انسيت كل اجروحي لمن شفت صدره
طحنت ضلوعه طحن. خياله عشره
والسهم من صدره واصل خرز ضهره

شيخ العشيره. ومعنه المهابه
ياويلي عاري. فووك الترابه

شعتب بعد. والمن اصد. من بعد اخوتي
______________________________
رحت بدروب السبي. مجتوفه اديه
واسمي مو زينب صبح اسمي سبيه
الناكه عرجه وخوفي لا. توكع رقيه
صحت الزمي امروتج. يا عمه بيه

رحنه سبايه. فوك الهزايل
وروس النحبهم. بروس العواسل

الحنظل ضكت. واتمرمرت. من بعد اخوتي
___________________________
خادم زينب. عليها السلام
القصيده /مات الامل
الشاعر الحسيني/ علي الاصبحي