راحو اخوتي. بالغاضريه
اتمنه موتي. يلفي اليه
ميته. ميته. بعد الغياره
_______________________
اه يا ارض الغرب كسرتلي ضهري
ودعت بيها الغوالي وراح صبري
حالتي بذيج الاراضي الله يدري
راس احلامي نذبح ودموعي تجري

وحدي وغريبه. ماعندي والي
هاي المصيبه. شدهتلي بالي
ميته. ميته. بعد الغياره
______________________
من وكع كتر النهر عباسي دامي
تمرجل الماهو رجل واحرك خيامي
زجر طك سكنه ورحت اركض احامي
باوع اعليه اوشتم. اهلي وعمامي

نزلت دمعتي. ماعندي حيله
وحدي بغربتي. ياهو اشتكيله
ميته. ميته. بعد الغياره
______________________
اطلعت باليل ورحت لحسين انظره
لن اشوف الخيل تسحك فوك صدره
صحت ياخيل اعله هونج صدره دره
جني ما وياها احجي ابدمعه حمره

خيل اعوجيه. هشمتله ضلعه
وابن الدعيه. نحره يكطعه
ميته. ميته. بعد الغياره
______________________
كتله كلي شيوجعك خاطر اضمده
يا جرح اكثر يوجعك حته اشده
اوداعتك من البواجي عيني رمده
اي شي احجي مروتك لو كلمه وحده

بالزهره احلفك. امنه الزجيه
ياخويه فدوه. بس رد عليه
ميته. ميته. بعد الغياره
______________________
اليحدي بضعوني اجه وجاب الهزايل
شلون اركب بالله كلي اعله المحامل
مارضه الحادي يمرنه. اعله المقاتل
راح اروح ابلاية شوفة. ابو فاظل

وصل سلامي. الراعي الحميه
كله التحبها. راحت سبيه
ميته. ميته. بعد الغياره
_______________________
خادم الحسين ع
الشاعر الحسيني علي الاصبحي