الحياة الها لذة عجيبة ما منقدر ننكرها
وعلى قدّ ازدياد حجم المسؤوليات ومرورنا باللحظات المؤلمة إلا أننا ما منقدر نصرف النظر عن حسن هاد الوجود وقدرها انك ما رح تشعر إلا لما تبدأ..
خطوة للي تخاف منه
خطوة للي تجهله تماماً
خطوة تخرج فيها عن سكونك يمكن تجرب طعم السعادة،لأن الشرح اللي بيوصلنا من الناس ما بيكفي
واللذة في إنك تفحص النتيجة بنفسك وتقرر وقتا هوي نافع إلك أو لا .
قرار نابع من شغف يخالف كل توقعات اللي حولك..
تجربة جديدة غير مألوفة أو حتى قصة حُبّ جديدة..
لأن وين قمية الحياة لو ما كنا متحمسين الها
ولو ما شفنا منها حلوها بعد مرها
ومن المؤسف أنو فرصة البدايات متاحة دائماً بس نحنا برغبتنا منتمسك باللحظات الحالية ومنتجاهل تماماً سعة الأرض
ونفس المحطات ..التجارب..القصص ..وأحياناً حتى السيء منها عم نعيد تكراره ..
النهاية من غير قرار بداية
هو حل مؤقت
لهيك دائماً خلي عندكن بداية جديدة تعمل تغيير كبير بحياتكن
وتصبحو على يوم لطيف وبيحملكن الخير ع طول✨🤍🤍