بو دنيا فاني دير فاني
بو دنياده قالان هاني 

داود اوغلو سليماني 
تخت اوستوندن سالان دنيا

سنين بهره ن يين كيم دير؟ 
كيمينكي سن ؟ييه ن كيم دير 
سنه دوغرو دييه ن كيم دير؟ 
(يالان دنيا يالان دنيا) 

سني فرزانه لر اتدي 
قاپيپپ ديوانه لر توتدي
كيمي الدي كيمي ساتدي 
ساتان دنيا الان دنيا 

اتي ازل داغا سالديق
يورولدوقجا دالي قالديق 
اتي ساتديق اولاغ الديق
يه هر اولدي پالان دنيا 

بيري اينا بيري پاسدير
بيري ايدين بيري كاسدير 
گئجه طوي دير سحر ياس دير 
گول اچديقدا سولان دنيا 

ايگيت لرين باشين يئيه ن 
قوجالار بوز باشين يئيه ن 
قبير لرين داشين يئيه ن 
ئوزو يئنه قالان دنيا 

نه قاندين كيم گول اكندير
كيم قيليج تك قان توكندير 
تيمور هله كوره كن دير 
چنگيز جانين الان دنيا 

يامان قورقو ييغيلايدين 
طوفانلاردا بوغولايدين 
نوليدي بير داغيلايدين 
بيزي درده سالان دنيا 

چاتيب سندن كوچن كچدي 
اجل جامين ايچه ن كئچدي 
اولان اولدي كئچن كئچدي 
نه ايستيردين اولان دنيا 

بوغولايدين اولان يئرده 
دوغوب خلقي بوغان يئرده 
اوغول نعشين اوغان يئرده 
انا زولفون يولان دنيا

#سیدمحمدحسین شهریار
 

💞💞جانـــــــیم آزربایــــــجان💞💞

#ʝøiɴ👇🏻
┅✶❤✶┅
🏝💞 @JanimAzar 💞🏝┄┄┅┅✿❀💙❀✿┅┅┄┄
‎‌‌‌‌‎‌‌‌