XASTALIGIM ONAMGA AYTMANG...

Tirikchilik deb keldim netay,
Tortgan dardim ichimga yutay.
Shu yolg'onga jonimni tutay,
Xastaligim onamga aytmang.

Xalovatin kerakmas buzmang,
Bexudaga yuragin ezmang.
Mayli menga shirinsöz demang,
Xastaligim onamga aytmang.

Xechnarsani bilmayapti deng,
Tergasak xam bölmayapti deng.
Ishlamasdan öynayapti deng,
Xasta deya onamga aytmang.


Soddaginam ishontiring bas,
Boshqa narsa aslo kerakmas.
Bolaginam bersin desa sas,
Xasta deya onamga aytmang.

Ne desangiz aylayman bajo,
Shifo bersa inshaallox xudo.
Bor ekanda boshda shu savdo,
Xasta deya onamga aytmang.

Yupatardim yig'lagan onda,
Nelar bölmas bu issiq jonga.
Xayotimda yolg'iz insonga,
Xastaligim onamga aytmang.

Musofirlik dengizin kechib,
Nasib etsa boraman uchib,
Poylarini öpaman quchib.
Xastaligim onamga aytmang.

Bu yerlardan bir kun tolsangiz,
Siz xam uyga qaytib borsangiz.
Sörasalar uchrab qolsangiz,
Xasta bölgan deb aslo aytmang.
Xastaligim onamga aytmang.


BIZNING MANZIL 👇👇👇

👉 @KARIMOV_5656