ஒதுங்கி விடுபவர்களை
அப்படியே விட்டு விடுங்கள்..
ஒரு வேளை தனிமை அவர்களுக்கு நிம்மதியை வழங்கக் கூடும்..

"பெருமை,கர்வம்
கோபம், திமிர்
அவர்களுக்கு" என்று
நீங்கள் எண்ணலாம்..
ஆனால் அவ்வாறன்று..!!
ஆழப்பதிந்த வடுக்களும்
ஆற மறுக்கும் வலிகளும்
அவர்களைக் கலங்கச்
செய்து கொண்டிருக்கிறது ..

ஒரு சிரிப்புக்குப் பின்னால்
மறைந்திருக்கும் அழுகையையும்
ஒரு மௌனத்தின் பின்னால்
மறைந்திருக்கும் வார்த்தையையும்
ஒரு கண்ணீரின் பின்னால்
மறைந்திருக்கும் தாக்கத்தையும்
நீங்கள் அறிய மாட்டீர்கள்..

இலகுவில் அழுது விடுபவர்களைக்
கேவலமாய்
எண்ணாதீர்கள்..
அவர்களுக்கு கிடைத்த
உள்ளம் உங்களைப் போன்றதல்ல..
அதற்கு அவர்கள்
என்ன செய்ய முடியும்?

உங்களால் அவர்களுக்காய்
செய்ய முடிவதெல்லாம்
பிரார்த்தனைகளில் அவர்களையும்
சேர்த்துக் கொள்ளுதல் தான்..

ஒதுங்கி விடுபவர்களை
அப்படியே விட்டு விடுங்கள்..!!

#By: Zakiya Nifal