مجاهدینو ته

که په یو بل په باور او په یقین شو
بیا به واړه د حـریت مجاهدین شو

سپک عمل او سپک کارونه چي ونه کړو
ناممکن ده چي د چا به د توهین شو

چي هم فکره او هم غږي سره ووسو
تور به نه یادیږو ټولو ته به سپین شو

چي اْمــور د اْمـــراوو برمــلا کړو
خود د سمع او طاعه به طابعین شو

چي له هر انګریز چنګیز څخه ی وساتو
بیا به هلته افتخار د سرزمین شو

صبر صبر کم علــمي به هم ورکیږي
وخت راتلونکي دی چي مونږ به محصلین شو

ای احسانه نړیوال به راته ګورې
مونږ به مخ ته ځو چي کله وخت تضمین شو

احسان الله احسان