Komila Qiz

O‘tsamhamki dunyodan tanho.
Tillolardan kerak emas taxt.
U baxtsiz deb o‘ylama aslo.
Borligingni o‘zi menga baxt.

Bilgin meni yengolmaydi g‘am.
Azoblardan ko‘zim bo‘lmas nam.
Yuragimni quchmaydi alam.
Borligingni o‘zi menga baxt.

Yolg‘on emas vasling qumsayman.
Senla birga bo‘lmoq istayman.
Ovunmoqqa chora izlayman.
Borligingni o‘zi menga baxt.

Ismingni bu ko‘ksimga qadab.
She'r yozaman goh senga atab.
Yashaymanda o‘zimni aldab.
Borligingni o‘zi menga baxt.

Hayol yoding baxtli etadi.
Hijron qo‘rqib nari ketadi.
Bir kulganing menga yetadi.
Borligingni o‘zi menga baxt.

Quyoshimsan kunduz samoda.
Nafasimsan o‘lgan havoda
Dunyoyimsan yolg‘on dunyoda.
Borligingni o‘zi menga baxt.

Muallif: Komila Qiz.
20.12.2021.01:27.✍

😉😉😉😉😉😉😉
Chiroyda u tengi yo‘q.
Osmondagi oy go‘yo.
Yurakka tegdi bir o‘q.
Sevib qoldimmikan yo.

Parivash aqlim oldi.
Qalbimga olov soldi.
Menga ho‘p yoqib qoldi.
Sevib qoldimmikan yo.

Kulishlari muloyim.
Gul chehrali guloyim.
Bu ne tuyg‘u hudoyim.
Sevib qoldimmikan yo.

Menga parvo etmaydi.
Hech kim unga yetmaydi.
Hayolimdan ketmaydi.
Sevib qoldimmikan yo.

Kun botdi-yu tong otdi.
U mehrimni uyg‘otdi.
Bilolmay boshim qotdi.
Sevib qoldimmikan yo.

Uni o‘ylayman har on.
Sog‘inib ketdim yomon.
O‘zimga o‘zim hayron.
Sevib qoldimmikan yo.

Muallif: Komila Qiz.
2017.2021.✍

Senga bo‘lgan humorim aldab.
Suratingga qarab ovundim.
Bilsang yurak qilmoqda talab.
Bugun seni juda sog‘indim.

Hasratimga dengizlar guvoh.
Osmondagi yulduzlar guvoh.
Sog‘inishim bo‘lsada gunoh.
Bugun seni juda sog‘indim.

Ko‘rsam edi gul yuzlaringni.
Mayus kulgan u ko‘zlaringni.
Menga aytgan har so‘zlaringni.
Bugun seni juda sog‘indim.

Sochlaringni uchirar shamol.
Kelarmu deb suraman hayol.
So‘zim tingla kelmasa malol.
Bugun seni juda sog‘indim.

Yer qilmagin bo‘ldi qadrimni.
Bilmaysanda chekgan jabrimni.
Sinamagin kelgin sabrimni.
Bugun seni juda sog‘indim.

Arazingni hech qo‘ymasang ham.
Asabimga ko‘p o‘ynasang ham.
Qonim ichib hech to‘ymasang ham.
Bugun seni juda sog‘indim.

O‘jarliging erkaligingni.
Jinnilarcha telbaligingni.
Hatto o‘sha qaysarligingni.
Hammasini juda sog‘indim.

Muallif: Komila Qiz.
17.12.2021.23:03.✍

Ushalmayin armon qariga.
Orzularim shamolday yeldi.
U egadir bari bariga.
O‘sha qizga havasim keldi.

Sizni sevib meni kuydirgan.
Shirin so‘zlab o‘zni suydirgan.
Yoningizda jilmayib turgan.
O‘sha qizga havasim keldi.

Yuragimga alam to‘ladi.
Chidolmayin sabrim o‘ladi.
Yoningizda u qiz bo‘ladi.
O‘sha qizga havasim keldi.

Hayolingiz o‘zim olsaydim.
Qalbingizga olov solsaydim.
O‘rnida men bo‘lib qolsaydim.
O‘sha qizga havasim keldi.

Uni sizga topib berdi kim.
Ko‘zlarimdan yosh oqar tim-tim.
Alam bilan kuzatgancha jim.
O‘sha qizga havasim keldi.

Yor-yor bilan bugun to‘y o‘tar.
Asal solib sizga choy tutar.
Chimildiqda intizor kutar.
O‘sha qizga havasim keldi.

Endi sensiz qolganim bilib.
O‘rtanaman ko‘nglimni tilib.
Baxt ham tilab o‘zimcha kulib.
O‘sha qizga havasim keldi.

Muallif: Komila Qiz.
2018.2021.✍

Sevgi sevgi der ekan.
Sevgi dilni yer ekan.
Bevafoni seguncha.
O‘z o‘zingni sev ekan.
😂😂😂😂😂😂😂😂😂

Do'stim begunohning ko'z yoshin to'kib.
Yo'llarda hech kimni sarson etmagin.
Vaqtida qaytarib oldi berdini.
Dunyodan qarz bilan o'tib ketmagin.

Mehringni beraver mehrsizga ham.
Hayotda yaxshilar borligin ko'rsin.
Zotan xatolarin tushunib yetib.
Yaratgan Ollohga tovbalar qilsin.

Do'stim kulfat kelsa aziz boshinga.
Nolimay so'ngini hikmatga yo'ygin.
Axir bu umrimiz sinov deydilar.
Peshonam degin-u bir kulib qo'ygin.

Faqir yetimlarning silab boshini.
Nochorlar holidan olib tur xabar.
Tang bo'lib turganda yurmay ishlaring.
Ulardan qaytmasa hudodan qaytar.

Do'stim ota-onang bor bo'lsa agar.
Ularni avayla qilgin ehtiyot.
Farzand do'st-u yorni bersa beraru.
Ikkisin takroran bermaydi hayot.

Sha'niga maqtovlar yomg'irin yog'dir.
Savob ishlaringdan xo'p ko'ngli to'lsin.
Yutug'ing ko'rganda duolar qilib.
Mening farzandim deb quvonib yursin.

Do'stim hurmatin qil qadrdonlarni.
Yaxshilik ulashgin qo'lingdan kelsa.
Axtarib topmaysan yomon bo'lsa ham.
Umrini yashab so'ng bir kuni o'lsa.

Lahadga ko'milgan sho'rlik mayidlar.
Gunohlar jazosin tinmay totarkan.
Ularning xaqqiga qo'l ko'tarsang bas.
Bir xovuch duodan orom toparkan.

Do'stim erkakmisan yo ayol mayli.
Kim bo'lsang bo'lgin-u bo'lmagin yomon.
Salovatlar aytgin yaratganga sen.
Dastingdan dod desin hattoki shayton.

Sira g'iybat qilma birodarlarni.
Ortingdan qarg'ishlar solmasin soya.
Bo'sh bo'lsang Qur'onni qilgin tilovat.
Lahza soniyang ham ketmasin zoya.

Do'stim o'lar bo'lsang shunday o'lginki.
Labingda tabassum dilingda Olloh.
Tilingda kalima aylanib tez-tez.
Do'zah azobidan so'ragin panoh.

Yaqinlar sog'inib har eslaganda.
Yurak va vujudlar nurlarga to'lsin.
Nomingni unutib qo'ymasin hech kim.
Xotirang dillarda abadiy bo'lsin.

Muallif: Komila Qiz.
26. 04. 2021. 19:45✍✍✍

To‘lin oydek to‘lgim kelyapti.
Bir bor chindan kulgim kelyapti.
Tashlab yomon odatlarimni.
Yaxshi inson bo‘lgim kelyapti.

O‘zgalarni o‘ylovchi har on.
Oqibatli yana sof vijdon.
Hamma uchun birday mehribon.
Yaxshi inson bo‘lgim kelyapti.

Har daqiqa haqdan qo‘rqguvchi.
Gunohidan alam yutguvchi.
Salovatlar aytib o‘tguvchi.
Yaxshi inson bo‘lgim kelyapti.

Hayotida yolg‘on aytmagan.
Aytganidan sira qaytmagan.
Ishonganni tashlab ketmagan.
Yaxshi inson bo‘lgim kelyapti.

Firibgarlik fitnani bilmas.
Hech shaytonning aytganin qilmas.
Olloh quli nafsiga qulmas.
Yaxshi inson bo‘lgim kelyapti.

Kunni boshlay tavba qilishdan.
Erta yotib erta turishdan.
Charchab ketdim yomon bo‘lishdan.
Yaxshi inson bo‘lgim kelyapti.

Yashash uchun berilgan ruhsat.
Vaqt borida o‘tmasdan fursat.
Tangrim menga to‘g‘ri yo‘l ko‘rsat.
Yaxshi inson bo‘lgim kelyapti.

Muallif: Komila Qiz.
15.12.2021.09:47.✍

Duet:
Hasrat.

Orzular qordayin to‘kilib.
Eridilar oyoq ostida.
Yurak bag‘rim ketdi ezilib.
Cho‘kib borar zulmat qa'riga.
Kamron Nur.✍

Chidolmayin alam zo‘ridan.
Ko‘zlarimdan qalqiyapti yosh.
Mahrum bo‘ldim oyning nuridan.
Kunlarimda nur sochmas quyosh.
Komila Qiz.✍

Azob bo‘ldi olgan nafasim.
Qadamimda qazildi chohlar.
Egib ketdi qaddimni baxtim.
Yuragimdan o‘chmas u dog‘lar.
Kamron Nur.✍

Hech narsaning yo‘qdir qizig‘i.
Juda erta dunyodan to‘ydim.
Ajratyabti yolg‘on chizig‘i.
Odamlarga ishonmay qo‘ydim.
Komila Qiz.✍

Sotib borar meni sirdoshim.
Do‘stingman deb dilim g‘ashlaydi.
Daryo bo‘ldi ko‘zdagi yoshim.
Yana ular o‘zin oqlaydi.
Kamron Nur.✍

Iymon qolib nafsga qul bo‘lib.
Jannat emas do‘zah tomonman.
Vujud ruhim gunohga to‘lib.
Ulardayin men ham yomonman.
Komila Qiz.✍

Muhabbatning eshigin yopding.
Qon yuragim bejon yuragim.
Orzu qilib nelarni topding.
Armonlarga makon yuragim.
Kamron Nur.✍

Jilmayaman yolg‘ondan kulib.
Aslidachi alam yutaman.
Ahir ketdim azobga to‘lib.
Nahot endi shunday o‘taman.
Komila Qiz.✍

Komila Qiz dunyo ishidan.
Boshing egma mag‘rur tut qadding.
Dunyo to‘ygan Kamron Nuridan.
Menga o‘xshar sening ham darding.
Kamron Nur.✍

Mualliflar:
Kamron Nur.
Komila Qiz.
13.12.2021.20:42✍

Ichimga dard to‘lib ketdida.
Orzu armon bo‘lib ketdida.
O‘zga qo‘ldan tutib ketgani.
Yomon alam qilib ketdida.

Saroblarni baxt deya oldim.
Hayollarga ovunib qoldim.
O‘tmishimga bir nazar soldim.
Yomon alam qilib ketdida.

Sevaman deb bag‘rim tilgani.
Muhabbatim yolg‘on bilgani.
Ko‘nglim bilan o‘yin qilgani.
Yomon alam qilib ketdida.

Ishonganim ko‘krak kerganim.
Bemehrga mehrim berganim.
Sevolmadi meni sevganim.
Yomon alam qilib ketdida.

Unitarman maylida sekin.
Qadrim ekan u uchun tekin.
Baxtli bo‘lsin deymanu lekin.
Yomon alam qilib ketdida.

Muallif: Komila Qiz.✍
13.12.2021.14:54.

Duet :
Sevaman.

Bahorda ochilgan gul lolalardan.
Iforin taratgan shalolalardan.
Tongda esgan mayin shabbodalardan.
Baridan qizg‘onib juda sevaman.
Kamron Nur.✍

Bu yurak bir faqat siz deb uryapti.
Xattoki o‘zidan ustin ko‘ryapti.
Shu so‘zni baralla aytgim kelyapti.
Men sizni sevaman juda sevaman.
Komila Qiz.✍

Meniki kamondek qaro qoshlaring.
Begim deb erkalab aytgan so‘zlaring.
Jonimni jallodi kulgan ko‘zlaring.
Ko‘rib ham sog‘inib juda sevaman.
Kamron Nur.✍

Xavotir olaman ketsangiz yiroq.
Ko‘nglimni g‘ashlaydi sog‘inchli titroq.
Bilasangiz hammadan hammadan ko‘proq.
Azizim men sizni juda sevaman.
Komila Qiz.✍

Nur to‘la yuzingni kundan qizg‘onib.
Qop-qora sochingni tundan qizg‘onib.
O‘zgadan qizg‘onib o‘zdan qizg‘onib.
Vasling otashida yonib sevaman.
Kamron Nur.✍

Sizsiz tunlarimda halovat yo‘qdir.
Alamlar yurakga sanchilgan o‘qdir.
Yonimda bo‘lsangiz bu ko‘nglim to‘qdir.
Siz meni sevgandek sizni sevaman.
Komila Qiz.✍

Yo‘llarim tutashib taqdir yo‘lingga.
Ishq to‘la yuragim berdim qo‘lingga.
Komila Qiz yetding Kamron Nuringga.
Sen meni sevgandek seni sevaman.
Kamron Nur.✍

Mualliflar:
Kamron Nur.
Komila Qiz.
12.12.2021.13:45✍

Fasllar birma-bir o‘tar almashib.
Shikasta dilimni tilkalab ming bor.
Kunlarga qo‘shilib kunlar sanashib.
Sog‘inib kutganim o‘zing laylak qor.

Qo‘l yetmas oy yulduz ko‘klarni quchib.
Zamin uzra uchib qilasan parvoz.
Men esa hamisha o‘zimdan cho‘chib.
Qilganim shunchaki orzudir holos.

Alamim azobim armonlarim ko‘p.
Yil bo‘yi qalbimga to‘plangan g‘ubor.
Indamay quchog‘im ochib turay xo‘p.
Sen mening ko‘ksimga yog‘gin laylak qor.

Insonning zarracha mehrini kutib.
Ko‘zdagi yoshlarim bo‘lib ketdi sel.
O‘tmayin yolg‘izlik zaharin yutib.
Zimiston ko‘nglimga oqlik olib kel.

Shafqatsiz bevafo dunyo dastidan.
Hasta bu yuragim chekyapti ozor.
Charchadim ayovsiz qasos qastidan.
Kel barcha dardimni olgin laylak qor.

Yolg‘onlar tig‘idan jarohat olgan.
O‘zingla yashirgin ko‘ksim qonini.
Qora o‘tmishimdan chandiqlar qolgan.
Yo‘q dema avayla tanim jonini.

Bir onga bo‘lsa ham shodlikni ko‘rsat.
Bu shirin hayotdan bo‘lmayin bezor.
Ketishga ertaku bo‘lmadi fursat.
Ketar u yo‘llarim to‘sgin laylak qor.

Bilasan xatoyim gunohlarim ko‘p.
Senga qilmishlarim qay birin aytay.
Savoblar yo‘liga boshla meni ho‘p.
Pok bo‘lib kelgandim poklanib qaytay.

Muallif: Komila Qiz.
05. 12. 2021. 09:49.✍

Siz uchun beramiz jon.
Jigarlarmiz jonajon.
Ne yumush bo‘lsa ayting.
Xizmatdamiz akajon.

Ichimizda zo‘rimiz.
Sizga davra to‘rimiz.
Ko‘ksimizda qo‘limiz.
Xizmatdamiz akajon.

Ko‘plar akaga zorku.
O‘rtada gurur orku.
Bizda oqibat borku.
Xizmatdamiz akajon.

G‘animlar yenga olmas.
Zo‘riqib bilak tolmas.
Yukingiz yerda qolmas.
Xizmatdamiz akajon.

Birlashganda kuchimiz.
Cho‘qqilarning uchimiz.
Birdir tash-u ichimiz.
Xizmatdamiz akajon.

O‘ynaganda kuyda ham.
Osh ma'raka to‘yda ham.
Bir hasharda uyda ham.
Xizmatdamiz akajon.

Muallif: Komila Qiz.
30. 11. 2021. 12:30.✍