شنهي أطيب من أذيتك؟
عندي وردة صغيرة كلش
بين شدّات الورد
ترضى أحطها بمزهريتك
عندي بذرة وركضت مثل الصدگ
طشيتها بواسع محبّتك
ضحكوا الگضوا عمرهم بالبذر
گالولي كلش على نيتك
عندي سكتة وكلش أترجاك تسمعها
وأحبّ چفك
أريدن أفتهم منك سكتّي
وتفتهم منّي سكتّك
شاورتني بوردة بيضة وآنه أعاند
چن طفل روضة وغلط غلطة
تركته يشيل إيده سنين
يا مطول عقابك
حتى لو صوچك أگول الصوچ صوچي
چني ألتذ بأذيتك
شنهي أطيب من أذيتك؟

-مظفّر .