Madina Mavlonova blogi

2️⃣8️⃣🔣0️⃣6️⃣🔣2️⃣0️⃣2️⃣4️⃣
Kechagi kun men uchun hayotimda unutilmas kunlardan biri bo'ldi. Ko'ksaroy qarorgohida mamlakatimiz rivojiga munosib hissa qo‘shayotgan bir guruh faol yoshlar qatorida men ham Yoshlar ishlari agentligi tomonidan taklif qilindim.

Avvallari prezident ishtirokidagi tadbirlarga qatnashmaganim uchun ichimdan ham xursand bo'ldim, ham juda hayajonlandim. Chunki tadbirga har kim ham taklif etilavermas ekan. Yon atrofimda mashhur insonlar, taniqli shaxslar, yulduz san'atkorlar va chempion sportchilar, vazirlar, davlat amaldorlari va hokazolar bor edi. Tadbir tugaganidan so'ng Ko'ksaroyning hovlisida maxsus dasturxonda ovqatlanib ham oldik.

Ha aytgancha, tadbirning bir qismida bir guruh yoshlarga medallar ham topshirildi. Ularni ko'rib menda ham yangi motivatsiya paydo bo'ldi. Nima deb o'ylaysizlar, keyingi yili taqdirlanganlar orasida men ham bo'larmikinman? Fikrlaringizni izohlarda kutib qolaman)
@MadinaMavlonovaBlogi

Yaqinda Buyuk Britaniyada bo’lib o’tgan Uzbek Culture and Food Festivali tadbiriga dizaynlarni tayyorlashda yordam bergan volontyor dizaynerlar bilan bugun uchrashuv bo’ldi. Loyihani muvaffaqiyatli yakunlaganimizni nishonladik. Mazali kechki ovqat va maroqli dizayn haqida suhbatlar uchun rahmat.

P.S. Qizlar, iltimos shunaqa tadbirlarda aktiv bo’lishga harakat qilinglar, bo’lmasam qizlardan bir o’zim bo’lib qolyapman)