Меҳр

Ҳурлай хоним, хаёлида ҳам
гуноҳ қилиб кўрмаган хоним;
гоҳ ёвқур, гоҳ ҳақир қўнган дам,
ҳуркиб ҳолим сўрмаган хоним;
аёзлардан увушган қўлни
астагина ушлаган хоним;
бевақт қариб-қартайган дилни
фақат тушда хушлаган хоним;
жинни-санғи шеълар ўқисам,
бош эгиб, жим тинглаган хоним;
дилимдагин кўзим айтса ҳам,
билатуриб, «билмаган» хоним;
ечилмайди бу сирли тугун,
қўрқитмоқдан қўрқаман сизни.
Мен жудаям истарман: бир кун
ўлсам, сиз ҳам ўлишингизни.

Аъзам Ўктам роҳимаҳуллоҳ