Mukoshafoti qalbiy

Hamma oilada tortishuvlar bo’ladi.

Bunga bolalar guvoh bo’lib qolishi ham tabiiy hol. Bolalar ota-onasining tortishib yarashganini ko’rib ham ijtimoiy munosabatni o’rganadi. Ya’ni manipulyatsiya, mushtumzo’rlik bilan hal bo’lyaptimi yoki sizlar kelishyapsizmi.

Bolalar tortishuvga guvoh bo’lishi emas(mushtlashishni nazarda turmayapman), balki ishtrokchi bo’lib kimningdir tarafiga o’tib, kimgadir qarshi bo’lishi yomonroq. Buni munosabatlarda uchinchi - qutqaruvchi bo'lish deymiz.

Nega?

1. Buning natijasida bola eng yaqin insonlaridan biriga nisbatan negativ his bilan o’sadi. Uyda siz yomon ko’rgan/ qo’rqqan odamingiz bilan yashashni tasavvur qilib ko'ring🤕

2. Ko'pincha shunday tarafkash bolalar o'zi qarshi bo'lgan jins vakillariga nisbatan ham adekvat munosabat qila olmaydi. Masalan, ana shunday uchinchi bo'lgan qizlar o'z oilasida ham turmush o'rtog'i bilan munosabatda qiynalishlariga juda ko'p guvoh bo'ldim.

3. Uchinchi bo'lgan farzandlar o'z hislaridan ko'ra boshqalar hislariga e'tiborli bo'lishga o'rganishadi. Natijada boshqalarga fidokor bo'lish, o'zini o'ylamaslik, o'zining vazifalari qolib boshqalarning majburiyatlarini qilib yurish uchrab turadi. Shunday farzandlar ota-ona bo'lganida ham o'z ota-onasi munosabatlarini o'ylab yuradi va o'zining farzandlari oldidagi burchlari qolib ketadi.

Hullas, farzandingiz baxtli bo'lishini xohlasangiz munosabatingizda uchinchi qilmang. Bilaman, u siz tarafda bo'lishi juda yoqimli. Siz haq ekaningizni his qilib maza qilasiz, lekin bu vaziyatda bola sizga shu hisdan boshqa hech narsa berolmaydi.

Bolangizni juvonmarg qilmang!

Buning yo'llari haqida ham yana yozaman.

Kanalimga obuna bo’ling👇🏻

https://t.me/+ewaOWoQmh99hMjcy

@psixolog_rozaliya

Shogirdlik

“Ustozsiz insonning ustozi shayton,” degan gapni o‘qib, Aziz akani yonlariga borib:
— Meni shogirdlikka olmasangiz bo‘lmaydi, nima desangiz qilaman, — deganman.

Bu 2021-yilda bo‘lgan voqea. O‘sha paytda tajribasiz, deyarli ilmsiz va kelajagi mavhum Muhammad edim.

To‘rt yil o‘tdi. Pedagog_podcastni boshladik, ustozlar uchun shu blogni ochdik, Zamonaviy Pedagog kursini tayyorladik, Teachers’ Hubni tashkil qildik.

Barchasiga Alloh Aziz aka Rahimov ustozimizni sababchi qildi. Ulardan Alloh rozi bo‘lsin.

Ko‘p o‘qituvchilarda shu muammoni ko‘raman — ularga to‘g‘ri yo‘l ko‘rsatadigan ustoz yo‘q. Nima qilishni bilishmaydi.

O‘rganganlarimizni bo‘lishish vaqti keldi. Shuning uchun bir shogird olmoqchiman. Barcha ilm va tajribalarimni ulashaman. Agar aytganimizni va qilganimizni bajarsa, 1-2 yilda yaxshi ustoz qilib yetishtiraman.

Shartlari:

• Toshkent shahrida yashasin va o‘qisin.
• Ustoz bo‘lishni niyat qilsin.
• Talaba bo‘lsa, yaxshi.
• Bo‘sh vaqti bo‘lsin.

Nima bera olamiz?

• Rahimov Schoolda haftada ma’lum kunlar yonimda ishlaydi.
• O‘z kutubxonam bilan bo‘lishaman.
• Bizning pulli loyihalarimizda tekin o‘qiydi.
• Podcastlarimizda qatnashadi.
• Kuchli ustozlar davrasida bo‘ladi.

So‘rovnoma:
https://forms.gle/ywpifohTrd99zoUa9

So‘rovnomani to‘ldirsangiz, ko‘rib chiqib, ma’qul nomzodlarga o‘zim aloqaga chiqaman.

To‘g‘ri kelsangiz, birga ishlaymiz!

@MuallimMuhammad

​​Bola tarbiyasidagi bizda tarqalgan eng asosiy xatolar...

1. Doimiylikning yo’qligi. Ota-onalarga “ilhom” kelganda juda ham talabchan bo’ladi, boshqa vaqtlarda esa qoidalarni, ota onalarning o’zlari ham unutib qo’yishadi. Masalan, bolalar ba’zi xatolari uchun qattiq jazolanadi, ba’zi xatolariga e’tibor ham berilmaydi. Ba’zida namoz o’qishlik qattiq talab qilinadi, ba’zida esa umuman ogohlantirilmaydi, o’qimasa ham e’tibor berilmaydi.

2. Oilada 2 hil qadriyat xukm suradi. Ya’ni, yaxshi odam qanday bo’lishi kerakligi haqida hamma gapiradi, lekin amalda hech kim bu narsalarni bajarmaydi. Masalan, halollik haqida gapiriladi, lekin mayda narsalarda halollikka e’tibor berilmaydi.

3. Oiladagi qoidalar kattalar orasida kelishib olinmagan. Ota yoki ona talab qilgan narsani bobo va buvilar bolaning oldida kerak emas deydi va jazolashni man qiladi. (Qo’yaver, ahir bu bola-ku; Bu safar kechira qoling oyijonisi kabilar). Yoki ona man qilgan narsalarga otasi ruxsat beradi.

4. Bolaga hech qanday chegaralar qo’yilmaydi. Bolalarning talab qilgan hamma narsalari, ko’p ishlab bolaga vaqt ajrata olmayotgan ota-ona yoki bola mehrini qozonmoqchi bo’lgan buvasi tomonidan so’zsiz olib beriladi. Ota onalar buvasi oldida jazolashga hijolat bo’lganidan yoki g’alvaga toqati yo’qligidan farzandiga hech qanday chegara qo’ya olmaydi.

5. Bolaning har bir qadami nazorat ostida bo’ladi. Bola uchun hamma qarorlar chiqariladi, qoidalar tushuntirilmay, shunchaki amal qilishga majburlanadi. Kelajakdagi kasbi, qiziqishlari ota-onasi tarafidan tanlanadi. Iltimos qilgan narsalari nega ekani tushuntilmaydi hamda shunchaki olib berilmaydi

6. Kattalar kamchiliklari bolalar oldida muhokama qilinadi. Bizda buni keng tarqalgan ko’rinishi - onalar xatosini otalar yoki qaynonalar bolalar oldida gapirishidir. Natijada farzand tarbiyachisining gaplarini jiddiy qabul qilmaydi va fikrini ham hurmat qilmay qo’yadi.

Kanalimga obuna bo’ling👇🏻

https://t.me/+ewaOWoQmh99hMjcy

@psixolog_rozaliya