أكبر كذبة صدقناها عن الثقة بالنفس، هي إنها مجرد حركات شكلية.. ارفع كتافك، امشي ببطء، وارفع راسك! هاد بالواقع اسمه تصنّع، والناس بتكشفه فوراً، الثقة الحقيقية أعمق من هيك بكتير.الثقة هي شجاعة التقبل؛ إنك تطلع بالمراية وتتقبل كل شي فيك، ميزاتك وعيوبك، طاقتك ومشاكلك.
نحنا مو مجبرين نعيش بتمثيل ومثالية السوشيال ميديا، نحنا بشر، والأهم إنك تكون النسخة الأفضل بنظر حالك أنت، مو بنظر الناس.وفي قانون مخفي بالحياة لازم تنتبه له: طاقة روحك إلها صوت، والناس بتسمعه! مستحيل تخبي كيف بتشوف حالك جواتك؛ لأنو رضاك عن نفسك أو قسوتك عليها بيتحولوا لهالة بتغلفك، والكل بيقراها بملامحك وتصرفاتك حتى لو ما حكيت.بالنهاية، احمد ربك وتذكر دايماً إنك إنسان؛ فيك أشياء بتجنن وأشياء ناقصة، وهاد الطبيعي.. نحنا مو لوحة مرسومة ولا صورة جامدة، نحنا بشر من لحم ودم ومشاعر ✨