የኢትዮጵያ ብሔራዊ ምርጫ ቦርድ የ6ተኛው ሀገራዊ ምርጫ የጊዜ ሠሌዳ ከወጣበት ጊዜ አንሥቶ በልዩ ሁኔታ የተለያዩ መድረኮችን በማዘጋጀት የኦፕሬሽን ሥራዎችን ቅደም ተከተል በጠበቀ መልኩ ከሚመለከታቸው አካላት ጋር በተለይም ከፓለቲካ ፓርቲዎች ጋር እየመከረ መሆኑ ይታወቃል።

በጊዜ ሠሌዳው በተመለከተው ቅደም ተከተል መሠረት በመከናወን ላይ የነበረው የዕጩዎች ምዝገባ በትላንትናው ዕለት የካቲት 30 ቀን 2013 ዓ.ም. መጠናቀቁን ተከትሎ ቦርዱ በነገው ዕለት መጋቢት 02 ቀን 2013 ዓ.ም. ጋዜጣዊ መግለጫ ይሰጣል። በመሆኑም የሚከተሉትን መስፈርቶች የምታሟሉ ብዙሃን መገናኛዎች ከቀኑ 8 ሰአት በደሳለኝ ሆቴል ተገኝታችሁ መዘገብ የምትችሉ መሆኑን እናሳውቃለን።
•በኢትዮጵያ ብሮድካስት ባለስልጣን የተመዘገበ ብዙኃን መገናኛ ተቋም መሆን
•የሚሰሩበትን ሚዲያ መታወቂያ ይዞ ለመዘገብ መምጣት
•ከአንድ ሚዲያ ሁለት ባለሞያዎች ብቻ መሳተፍ ይችላሉ

የኢትዮጵያ ብሔራዊ ምርጫ ቦርድ
መጋቢት 01 ቀን 2013 ዓ.ም