السلام عليكم
عدنا فد فكرة طرحوها بعض الاخوات قبل فترة ونريد نشتغل عليها ، وهي نقدم فد افكار ونموذج مخطط كامل لتحضيرات واجواء عرس اسلامي كامل ، وحتى التفاصيل كلها من الخطوبة للمهر للعرس
من ناحية التجهيزات وعدد الحفلات والتكاليف كلشي كلشي حتى الموسيقى النستعملها شنو وحتى الملابس وديكور المكان وكلشي😁
اعتبروا ماكو اي عادات ولاتقاليد عدنا، هيج مسحوها كلها من بالكم
ونخطط لشي اسلامي وافكار اسلامية .
كل وحدة موجودة هنا مؤمنة مهدوية مجبورة انه تعلق وتشاركنا بأفكارها ورأيها ( افكار عاجبتها بغير دول اسلامية ) ولو بأسم قصيدة تناسب هالاجواء. حتى نطلع ان شاء الله بأفكار واجواء يرضى عنها صاحب الزمان عج وتفرحه.
وصدكوني كومة كومة مؤمنين ومؤمنات يريدون بديل عن هاي العادات المو اسلامية ويعجبهم التغيير ويكون كلشي مثل مايريده الاسلام بس عمل وافكار وجدية ماكو.
فحلو انه الجميع يتعاون ونطلع بتخطيط كامل لكلشي ، ونطرحها لهاي الفكرة ونكتبها من ناحية كل التفاصيل وتنتشر ولو على مستوانا احنا فقط الموجودين هنا وتطبق ونسوي فد تأثير وتتغير بالمجتمع وحتعجب الكثيرين احتمال حتى المو ملتزمين من يشوفون نجاحها ❤️
ونسأكم الدعاء بالتوفيق بلكي مناه لنهاية العطلة تكون كاملة وانشرها بي دي اف كتخطيط كامل لكلشي.🌸
قال رسول الله : مَنْ سنّ في الإِسلام سنّة حسنة فله أجرها وأجر من عمل بها بعده من غير أن ينقص من أُجورهم شيء.
