Yuridik va jismoniy shaxslar diqqatiga!
Ishchi guruh tomonidan tumanimizda reklama to‘g‘risidagi qonunchilik talablariga rioya etilishi holatini o‘rganish jarayonida tuman hududida joylashgan elektr tayanchlari, tungi ko‘cha yoritish ustunlari, daraxtlar, umumiy foydalanishdagi bekatlarga, shuningdek, yo‘l qatnov qismiga turli xildagi e’lonlar va tashqi reklama va axborot obyektlari (konstruksiyalari) joylashtirilganligi holati aniqlanmoqda.
Bu o‘z navbatida, reklamani joylashtirish tartiblarining buzilishiga, shuningdek, turli xildagi e’lonlarning ko‘chalar bo‘ylab ustunlarga yopishtirib ketilayotganligi esa tumanimizning tashqi qiyofasiga salbiy ta’sir ko‘rsatmoqda. Shu bilan birga, tashqi muhit va tabiat hodisalari natijasida e’lonlar va plakatlarning o‘z joyidan siljishi atrof-muhitning ifloslanishiga sabab bo‘lmoqda.
Yuqoridagilarni inobatga olib, tumanimiz hududida faoliyat yuritayotgan yuridik va jismoniy shaxslardan O‘zbekiston Respublikasining 2022-yil 7-iyundagi “Reklama to‘g‘risida”gi Qonuni, Vazirlar Mahkamasining 2020-yil 20-fevraldagi 104-sonli va 2023-yil 31-avgustdagi 428-sonli qarorlari ijrosini ta’minlash, shuningdek, atrof-muhitni muhofaza qilish maqsadida daraxtlar, elektr tayanchlar, tungi ko‘cha yoritish ustunlari, umumiy foydalanishdagi bekatlar va yo‘l qatnov qismiga turli xildagi e’lonlar va tashqi reklamalarni joylashtirmasliklarini so‘raymiz. Aks holda, qonunchilikda belgilangan javobgarlik choralari ko‘rilishi to‘g‘risida ogohlantiramiz.
https://t.me/olottumani
