#من_الواقع

من ٥ ساعات الأخ والأخت بيلعبوا مع بعض، وفجأة ناموا، ناموا جنب بعض..

وبعد ٢٠ سنة بتيجي وحدة بتحكيله "#أختك ما بتحبلنا الخير"

لحظة

إنتِ عارفة شو صار بالعشرين سنة؟
عارفة كم مرة استنجدت فيه ليقتلها صرصور!
طيب بتعرفي كم مرة راح من المدرسة وهو شارليها بنص مصروفه!

#فكرك كم مرة.. مرضوا سوا .. عداها.. وعدته ...

إنتِ متخيلة كمية الضحكات اللي ضحكوها سوا!
مئات المرات اللي تعاقبوا سوا..
أول رحلة بالسيارة..
وأول مشكلة مين يقعد عالشباك..
كم مرة شربوا بنفس العصير ..
وكم مرة ساعدوا بعض بالدراسة ..
وكم مرة دافع وتوارى بالكذب عشان ما تتعاقب اخته ..
وكم مرة وشوشوا بعض عشان ما نسمع ..

إنتِ عارفة .. بالملاهي لما ضاع ساعة ..
#أخته ضلت تبكي عليه خمس ساعات ...

وإنتِ عارفة ..
كم سندويشة لبنة وسنيورة عملتله ...
وعارفة كم مرة بعتته يجيبلها اشياء بتحبها ..
بالصيف .. بالشتا .. بعز البرد .. بعز الشوب .. بالنهار .. بالليل ... مليون مرة ..

وإنتِ عارفة بس نجح بالشهاده .. فرحت عالفيس وعالانستغرام والسناب أكتر منه .. صورته .. وحضنته .. وصورت الحلوان ...

إنتِ عارفة ..
لما اجوا شافوكِ أول مرة .. راحت طيران لتوصفك إله .. وإنتِ عارفه كم محل راحت لتشتري الفستان اللي بدها تحضر فيه عرسه ...
مش عشان هي مأنفة ..

#لأ .. هي أكتر حدا فرحان بالعالم ..
هاد اللي كان نايم جنبها وهو صغير ..
كبر وتزوج وراح يفتح بيت... ونشوف ولاده ..

#عشرين_سنة .. فيهم عشرين ألف موقف ...
وما بتحب الخير إله؟

أخوك.. أختك .. رحمة من ربنا رح يضلوا جنبك طول العمر وبعد حياتك .. ولا عمره راح يهونو عليك ..

#مشاعرٌ_يجب_أن_تقدس