- حَلِيم الحَاسيِٰ .

⁣-

بعيد مالناس و متهمنيش المحبه

نا بنادم بيني وبين التفاهم سوء تفاهم

ونا صغير سمعت مقولة “ مش حتعرف قيمه الشيِء الا لما تفقده “ بس في حاجات عرم لما فقدتها عرفت اني انا اللي كنت معاطيها قيمة .

بكره حَ تنضج و تعرف انك مش مُضطر تتحمل شخص يأثر على نفسيتك ، لمجرد انك تحبه .

اسمعني ، طبيعي جداً انك تعطي حُزنك الوقت الكافي لحد ما ينتهي ، عادي و اقل من عادي انك تعيش بفترة صعبة ، كيف ما حتعيش بحياه سعادة وفرح ، الحياة فترات ، فترة حلوة ، وفترة مُرة ، عشان هكي متسمحش لحد يقول لك انك شخص دراما و كئيب ، اقل حقوقك انك تعطي كل شعور فيك وقته الكافي بيش يكمل بدون ما تحاول تتجاوزه ، لان وقتها حدير من المُشكلة الصغيرة ، مشاكل كبيرة ، طبيعي انك تزعل لما ظنك يخيب ، وثقتك تمتسح ، وعشمك ينهدم ، وخاطرك ينكسر ، فالنهاية انت انسان عندك مشاعر مهما كنت قوي
حَتضعف ، بس لازم تعرف انك بعد ما تضعف حَترد اقوي من قبل و مُش حتشوف وراك ، فخليك مُتصالح مع الأخطاء يلي بتعيشها ، وعطيها حقها من الزعل ، لان مع كل غلطة حتتعلم ، ومع كل طيحة درس .