عيون سود ظلنى الله يهديهن .... نبي أنتوب ما أقدرتش انتوب عليهن

عيون كحيــــــــله
سماح هذب راغبهن بكل وسيله
عليهن حواجب نازلات بميله
ايبانن ورا الحجاب و امغطيهن
حاير وراهن خاطرى ودليله
ومنهن انظارى دمعهن راويهن
صابر انلاجى ما لقيتش حيله
أنكان متت نا ميت انظنى بيهن

عيون خـــــــــذنى
امنين قبل يبنى إيسالن عنى
واليوم للجظر والياس ليه خلنى
اللى قبل نقدر من بعيد انجيهن
ونا شفت شوق ما هزنى
إلا عيون فى ريما حياتى فيهن
اللى دمها يقرب اقريب منى
على حازهن نقار وامعصيهن

عيون اسماح
من البعد ناشنى اتقول ارماح
صراحة وراهن ماجنيت ارباح
ولا خاطرى ساعة ايقول انسيهن
عليهن السالف وين مال وطاح
اليالى السود اللى تحاكوا بيهن
من يوم عدن ما دخلت افراح
يا الله قدرنى انطل عليهن