(قريشې جانان)
ــــــــــ ص ــــــــــ
نصيب مي کړي يا ربه خوږ ديدار دمدينې
ورتلل غواړم ترکلي دسردار دمدينې

رانجه به کړم تري جوړ دقدم خاورئ ښکلومه
جارو به پر بڼو کړم هره لار دمدينې

دمشک عمبرخوشبو چي مي دزړه تل کي خوره شي
نو هله به مي زړه مومي قرار دمدينې

دي ډيرزيات بختورچي څوک يوځل هلته ورغلي
په دي دنيا جنت دى هر دييار دمدينې

رااوري پري انوار او رحمتونه له آسمان نه
مسکن مي دجانان دى ښکلى ښار دمدينې

دفن يي دي په غيږکي صحابه ددين ګلونه
نو ځکه په ګلونو ده سينګار دمدينې

چي کله يي زبيرپه خوږ وصال باندي سيراب شم
شي سترګي به مړي زماپه نِګار دمدينې

ليکوال... زبيرحقانې
ــــــــــــــــــــــــــــــــــــ