شفت كتير ناس عم تحذف الانستغرام لأن عاملها تعفن بدماغها وصرتحة هي خطوة كتير حلوة ليعمل الواحد ديتوكس لمخو
ف رح اعطيكم trick تعملوها لما ترجعو تنزلوه عملتا من سنتين تقريباً وهيي أنو صمم ال feed اللي بشوفو
كيف يعني؟
يعني فتت ع اللي عاملتن متابعة كانو شي ألف تقريباً فتت ع حساباتن واحد واحد وسألت حالي هل هالمحتوى بفيدني لخمس سنين لقدام ؟بتخيل حالي بعد خمس سنين متابعة هيك حساب ؟
وهيك لنزل العدد ل 250
لغيت متابعة الفنانين والبلوغرز وصرت تابع دكاترة نفسيين محتوى طبي وفلسفي وناس مهتمة بتطور الذات وأي حدا حس أنو عم قارن حالي فيه الغي متابعتو مؤقتاً لو كان مفيد لأني كنت بفترة عم ابني فيها ثقتي بتواقيت حياتي
واي شي يقترحو الانستا ما يعجبني حط غير مهتم وأي محتوى حس تأثيرو سام عليي اعملو بلوك
لجتى صار الانستا متل vision bored لافكاري واهتماماتي
حالياً من كتر المعلومات بالمحتوى اللي بستهلكو ما بفتح انستا اكتر من ربع لنص ساعة لأن بكون صار عندي بالميتة عشر شغلات لابحث عنها وترشيح لكتابين لاقراهن وعشرين موضوع لفكر فيهن مع حالي
وهيك خففت وقتي ع الانستا وخليتو مفيد وما حرمت حالي منو❤️
