❥تـﹻۦ٭ۦـٰۣ۫ؤامـ٭ۦٰۣ۫ـي❥

اليوم عرس يلي بحبا عغيرو ......جهز حالو بطقمو يلي اختاروه سوا .....ونفس الكرافه ......وخلا دقنو طويلة متل ما كانت تحبا ......كأنو هو العريس .... جاب باقة ورد حمرا كبيره ....وبليلة العرس ...بعد ما دخلو المعازيم ودخلت العروس .....وقف عباب الصاله ......حامل ورداتو ...ودموعو ....لقا بنت صغيرة ....نادالا وقلا تاخد الوردات وتروح لعند العروس وتقلا الف مبروك 😊.....واذا سألتا هالوردات من مين ....تقلها من عريسك ....بإيدو خاتم محفور عليه اسما 😕
وفي بجيبة جاكيتو خاتم......خاتما يلي تركتلو ياه يوم فترقو...
ومحفور عليه اسمو....كانو مقررين يلبسوهن بعرسن.....
و الليله صار وقتن....حطن بالعلبه وبعتلا ياهن مع الوردات ....
لما فتحت العلبه وشافتن......بلا وعي بكيت ..... نتزع مكياجا
و الناس لاحظت عليها هالشي....قامت تركض متل المجنونه.....لعند الباب محل مالو واقف ........شافا جايه عم تبكي
حاملة فستانا الشاحط عم تركض.......وغمرتو بقوه....
ما بقا يهمني حدا...... خدني من هون.........
(بعدا عنو ) اليوم عرسك ما بصير تبكي
ما بدي ياه .....لك ما بدي ياه
القدر اختاركن لبعض ولازم تكفي.....
ما بحبو والله ما بحبو ما بحبو
بكرا بتتعودي عليه ......وبتحبي بعد ما تتزوجي
وإنت كيف رح تتعود ......؟
ما تاكلي همي.......انا بتعود عكلشي
بحبك بحببببك....لك بموت فيك
خلص بكفي .... إجا عريسك...
مسكا بايدا .....وكأنو ابوها ...ووصلا لعند عريسا ...وقلو
الله يباركلكن.....
وقلبو عم يحترق..... وعم يقاوم دموع عيونو.....
انتبه عليها وداريها من رموش عيونك.....
بإيدو سلمها لغيرو....
تركا عباب الصاله مع عريسها.....يلي مالو حبيبا ....ومشي

#في_بلادي_الزواج_لا_علاقة_له_بالحب...
#الاديان_والأهل_وحدهم_يصنعون_هذا
القدر..💔