المهم مره في ٣ خوات بنات ومعاهم ٣ خوتهم صغار كان يمشو يمشو منعرفش شن صار راحو ووصلو ف مكان زي الصحراء المهم تمو يمشو ويمشو يدورو ف بيتهم وهك ماصارش بعدها قعدو يعطشو ويجوعو المهم لقو واحه وشربو منها وهك ومع الايام جفت وبدو يمشو ويمشو اخره لين جاعو خلاص ومعش عرفو ما يديرو مشي البنات قالو شن رايكم ما كل واحدة تاكل خوها وتعطي الثانيات وكل مره واحده تدير زي الطريقة المهم وافقو زوز وواحده لا ، ماتكلموش معاها فالاول وهما كلو خوتهم طبعا وهيا البنت هادي ماكلتش خوها وقعدت خايفة عليه لين ف يوم راقدة هي وخوها قعدت تسمع في صوت امواس طلعو هما جوها بسرعه وبيخنبو الولد وهك شوي هي قالتلهم ماتاخذوش لكن حنعطيكم قطعه لحم مني اني قصتلهم من فخذتها وعطتهم ولما هما نامو هربت منهم ومشششششتتت لين وصلت لي واحه لقت فيها نخله تسلقت على النخله مع خوها وقعدت تاكل منها ومنطمره فيها ، المهم جت زي مجموعه ناس وهك طلع راجل معبي بيشرب من الواحه ومعاه هلبا ناس يعني هو زي قبيلته معروفه ونعرفش لكن متريح هو المهممممم هي تاكل ف التمر طاحت واحده لوطه فطنلها الراجل مشي قاللها انزلي وهك وهي خافت مع الوقت نزلت المهم رفعها هي وخوها معاه وتزوجها وعاشت في سعادة للأبد
