خلونا نتفق انو عمرو الحب ما كان مصدر للضعف ، بالعكس الحب هو البقوينا بدينا إحساس جمييل شديد ، الحب ماعندو زمن محدد ، اوعمر معين ، الحب ممكن يجي بين يوم وليله ، ونحنا مابنقدر نتحكم في قلوبنا ومشاعرنا لمن نحب♥️ ، بس كمان ماتحبوا من وراء اهلكم خلوهم دائما في الصوره ، ولازم تختاروا صاح من البدايه ، (لمن تجي تحبي، حبي راجل بيخاف من ربنا ، وبجيك بالباب عديل مابلف ولا بدور ، ولازم يكون محترم ،وعندو شخصيه وهيبه ،حبي البفهمك والبتكوني متاكده انو حيحافظ عليك ويسعدك ، البكون واضح وصريح معاك في اي شئ ، وعمرو الجمال ماكان مقياس للحب ، الجمال مع الزمن بيروح ، والأخلاق هي البتبقى ، لانو الجمال الحقيقي جمال الروح والأخلاق )، (لمن تجى تحب اختار صاح ، اختار المحترمه البتخاف من ربنا و البتقدر تربي عيالك بعدين على خلق ودين ، اختار البتفهمك والبتشبهك في طباعك ، وبالله لو مابتقدر تحب ماتلعب ببنات الناس وتكذب عليهم ، والدنيا بتلف وبتدور وحيجي يوم والبتسويهو بتلقاهو في اخواتك ، حافظ عليها ،خليك سند ومصدر قوه ليها ، ماتحاول تكون ليها سبب وجع في يوم من الأيام ، وزي ماهى واثقه فيك ، خليك كمان واثق فيها وحافظوا على حبكم الحلال ♥️✨ ) ~

# Reem Awad✨♥️