Aniq eslamayman ..
Qilding qo‘ng‘iroq,
Yoki men terdimmi raqamlaringni.
Har holda, to‘kilib ketdiyu firoq,
Gusirin eshitdim qadamlaringni.
Huddi kechagidek...
Huddi bir kunga,
Yoki bir soniya yashadik ayro.
Axir o‘xshatmadim seni hech kimga,
Sen mendan yaxshisin topmading go‘yo!
Aslida oradan o‘tdi bir asr,
Ikki umr o‘tib ketdi ming afsus,
Kimga jahl qildik, yo kimga jabr,
Kimni bir ko‘rishga mushtoqmiz hanuz?!
Aniq esimda yo‘q,
Qaysi birimiz,
Eshikni qars etib yopdik so‘ngi bor.
Keyin bir umrga bizlar ikkimiz,
Eshikka termulib o‘tdik umidvor!
Hammadan qizig‘i,
yechimsiz jumboq,
Ovozin kutaman qadamlaringni.
...Qiziq, sen qildingmi bugun qo‘ng‘iroq,
Yoki men terdimmi raqamlaringni!?

✍🏻 Malika Tavfiq