Jaloliddin.Off.Blog

Tajribang yoʻq boʻlsa ham
Oʻzingga ishonmasang ham
Resurslar yetmasa ham
Fikringdan qaytarishga urinishsa ham
Hech kim qoʻllab-quvvatlamasa ham
Boshla...
-------

@Shuhratjanov_official_blog

"Iztirob"

Inson iztirob bilan hayotga yangicha istiqbol nigohidan qaraydi. Qayg‘ular mulohazaga chorlaydi. Iztirob bilan insonning hissiyotlari, tushunish qobiliyati boyiydi. Insonning ruhi qayg‘u bilan ulg‘ayadi, yuksaladi. Dardda soxta hayotda topilmaydigan buyuklik bor. Iztirob ortida mudom keng ko'ngil bo‘ladi. Iztirob chekmagunicha inson ideal qat’iyat bilan mujodalaga kirmaydi. Chunki rohat insonni hissiz va kuchsiz qiladi. Chunki "to'kin-sochinlikda fazilatlar sarg‘ayib so'ladi". Iztirob chekkan kishi ma’zur ko‘rishni biladi. Chunki qayg‘u doim asos izlaydi. Inson qalbining tubiga qayg‘u bilan tushadi. O'zi uchun eng qiymatli ma’lumotlarni iztirob yordamida to'playdi. Iztirob ruhni harakatga keltiradi. Agar yengilib yiqilmasa, inson iztirob bilan katta kuch to'playdi. Inson o‘zini qayg‘u soyasida yengadi. Inson haqiqatni qayg‘u yordamida idrok etadi.

Kamol O‘rol,
"Iymon anatomiyasi"
@Shuhratjanov_official_blog

Butun umr o'rganishdan to'xtamaslik

1. Hayot teskari ketayotgan eskalatorga o'xshaydi. Bir joyda turibsan - pastga ketyapsan degani. Yurishni boshlasang bitta joyda turasan. Tepaga chiqish uchun esa yugurish kerak. Yugurish bu - katta tezlikda o'rganish.

Tez o'rganish nima degani?

2. Shu darajada tez o'rganishing kerakki, 6 oy oldingi ahvolingni ko'rib qo'rqib ketishing yoki hayron qolishing kerak. ~ Ilon Mask

3. Odam yangi narsani o'rganayotganda noqulaylik his qiladi. Juda tez o'rganayotganda esa qo'rqadi. Agar hozirgi qilayotgan ishing davomida qo'rqmayotgan bo'lsang, demak tez o'rganmayapsan. O'zingni qulay his qilayotgan bo'lsang, umuman hech narsa o'rganmayapsan.

4. Qo'rqayapsan, lekin hech nimani o'zgartirmayapsanmi? Unda bu beqarorlik, yoki beamallik, yoki ikkalovi.

5. Odam butun umr komfortda yura olmaydi. Hozir bemalol yurganing, kelajakda havotir bilan yurish hisobiga bo'ladi. Buning uchun maktab paytingdagi bezorilarning hozirgi ahvolini kuzatishing kifoya.

6. Xulosa: O'rganishdan to'xtama. O'rganish tezligingni o'zing qo'rqib ketadigan darajaga olib chiq. Komfortga tushib qolishdan ko'ra diskomfortda suzishni o’rgan.
@Shuhratjanov_official_blog

Dunyoni qaysi tarafga o’zgartirmoqchisan? — o’zing o’sha tarafga qarab yurishni boshla, ergashuvchilar vaqti kelib topiladi.
@Shuhratjanov_official_blog

Ertaga erishasan

1. Tengdoshing o’z biznesida katta ishlar qilyapti. Sen esa hali ham oylikdasan.

2. Sahnada turib hammani o’ziga qaratayotgan bola sen emassan. Osmondagi bolalarda intervyu berayotgan ham sen emas.

3. Barcha e’tiboring bugun yutayotganlarga qaratilgan. Ishi o’xshayotganlarga qaratilgan.

4. Shu yerda ikkita yo’l bor. Bugun yutmayotganingdan norozi bo’lish yoki e’tiboringni bugun qilishing kerak bo’lgan ishlarga qaratib, ertaga yutishni maqsad qilish.

5. Oson bo’lmas. Balki ko’p vaqt ketar. Lekin bugun mehnat qilib ertaga yutish, bugun yutmayotgandan xafa bo’lib, ertaga ham hech narsaga erishmaslikdan yaxshiroq.

Ertaga erishasan

1. Tengdoshing o’z biznesida katta ishlar qilyapti. Sen esa hali ham oylikdasan.

2. Sahnada turib hammani o’ziga qaratayotgan bola sen emassan. Osmondagi bolalarda intervyu berayotgan ham sen emas.

3. Barcha e’tiboring bugun yutayotganlarga qaratilgan. Ishi o’xshayotganlarga qaratilgan.

4. Shu yerda ikkita yo’l bor. Bugun yutmayotganingdan norozi bo’lish yoki e’tiboringni bugun qilishing kerak bo’lgan ishlarga qaratib, ertaga yutishni maqsad qilish.

5. Oson bo’lmas. Balki ko’p vaqt ketar. Lekin bugun mehnat qilib ertaga yutish, bugun yutmayotgandan xafa bo’lib, ertaga ham hech narsaga erishmaslikdan yaxshiroq.

@Shuhratjanov_official_blog

Blog boshla

1. Balki fikrlaringni bo’lishging kelmas. Kim ham o’qirdi deb o’ylarsan. Mayli faqat bitta odam o’qisin. Kundalik sifatida ishlatarsan balki.

2. Hech kim o’qimasa ham aslida eng ko’p foydasi o’zingga bo’ladi. Yil, oylar o’tib fikrlashing qanday o’zgarganini ko’rasan.

3. O’zgarmasachi? Blog yuritgan har qanday odamniki o’zgaradi. Fikrlarini jamlab yozishni boshlash aqliy o’sishsiz bo’lmaydi.

4. Balki senga qiziq emasdir. Kengroq o’yla. Senga fikrlaring qiziq bo’lmasa — jamoang, oilang, do’stlaring, kelajakda esa farzand va nevaralaringga qiziq.

P.S Anglab yettingmi Unda Bowla
@Shuhratjanov_official_blog

Tushkunlik haqida

1. Biznesing o’xshamadi. Qarzga botib ketding. Ishga kira olmayapsan. Sevganing tark etdi. Institut qabul qilmadi. Muammolaring ko’p.

2. Yechim yo’qdek ko'rinadi. Endi hayot avvalgi kabi bo’lmaydi, deb o’ylaysan.

3. Yechim bor. Faqat u tashqarida emas, ichkarida. Uni hozir ham qo’llasa bo’ladi.

4. Shu yerda hali hammasi yaxshi bo’lib ketadi, deb yozsam bo’lardi. Unday qilmayman. Balki hammasi yaxshi bo’lib ketmas.

5. Lekin bir narsa aniq. Senda 117 milliard o’lib ketgan odamlarda yo’q imkoniyat bor. Sen nafas olyapsan. Biror nima qila olasan.

6. Biror nima qilishni xohlash xohlamaslik seni ishing. Muhimi senda imkon bor. Yer ostidagilarda esa bu imkon yo’q. Rokfeller bo’lsa ham, Kennedi bo’lsa ham.

7. Tiriklik muborak. Xursand bo’lishga shuni o’zi yetadi.

@Shuhratjanov_official_blog

Zerikish 😕

Yoshing katta bo’lgach seni tark etmaydigan doimiy hissiyotlardan biri bu zerikish hissi. Hayotdan zerikasan, ishdan zerikasan, yakshanbani o’tkazishdan zerikasan.

Hamma bu muammoni turlicha hal qiladi. Nimadirlarni o’rganishni boshlaydi, youtubeni titkilaydi, o’rtoqlariga talpinadi.

Aslida esa yechim oddiy. O’z boshingga sarguzasht(muammo) qidirishing kerak. Qachon oxirgi marta shaharning narigi burchagida pulsiz qolib ketding? O’zingni (kichik bo’lsa ham) ishingni boshlading? Katta auditoriya qarshisida so’zga chiqding? Karantin tufayli qiynalib qolganlarga yordam berding? Yoki hech bo’lmasa ko’chada laycha kuchukdan qochding?

Комфортный hayot seni nafaqat zeriktiradi balki zaif qilib qo’yadi. Istalgan bitta mashhur filmni ol. Bosh qahramon qulay hayotda yashab turib jiddiy muammoga uchrab qoladi. Va sen bir yarim soat bosh qahramon o’sha проблемани решать qilishini miriqib kuzatasan. Aynan sarguzasht va muammolar odamni kuchli qiladi, haftasiga uch marta zalga chiqish emas.

Xo’sh, nima qilish kerak? Nimadan qo’rqishingni aniqlab ol. Va o’sha ishni bajarib ko’r. So’ng keyingisi, yana keyingisi va h.k.

Misollar:
-Yoqtirgan insoningga yozish
-Yaxshi ko’rgan bloggering bilan gaplashish
-Kambag’al qo’shningni ahvolidan habar olish
-Youtube/Telegram da blog boshlash
-Chet tilini o’rganishni boshlash
@Shuhratjanov_official_blog

Yaxshiroq, boyroq, chiroyliroq🤔

Har bir odamzodga xos bir xohish bor. Bu aslidan ko’ra yaxshiroq ko’rinish xohishi.

Odamlardan nima ish qilasan deb so’ra, ishlayotgan joyini maqtab va o’zini ishini nega muhimligini tushuntirib ham beradi senga.

Odamlar shuning uchun o’zlarini puli yetmagan telefonlarni (asosan iPhone) va mashinalarni kreditga olishadi. Ozgina yig’ib oddiyrog’ini olsa bo’ladi-ku! Yo’q eng oxirgisi va eng zo’ri.

Balki gap komfortda deb o’ylarsan? Yo’q ko’p hollarda unday emas. Mana ko’rib qo’y. Menda ham bor. Biz ham orqadamasmiz degan xabarlarni atrofdagilarga yetkazib, o’zini zo’rligini ko’rsatish maqsadi. Minayotgan mashinasi, yoki qo’lidagi telefon oxirigacha uniki bo’lmasa ham.

Biz haqiqiy hayotni qo’ldan kelgancha bezab ko’rsatishga harakat qilamiz.

Kinoning vazifasi ham shu. U yerda hech qachon real hayot ko’rsatilmaydi. Kino uchun reallik zerikarli. Shuning uchun kadr grimm, chiroqlar, dekoratsiya, effektlar bilan bezatiladi.

Instagram ham shu vazifani bajaradi. Hech kim u yerga qiyshiq tushgan rasmini qo’yib, “yuzimga ugri chiqdi, o’zimni yomon his qilyapman” deb yozib qo’ymaydi. Hamma o’z hayotini bezab, effect qo’shib atrofdagilarga ko’rsatadi.

Bu normal holat. Hammada bor xohish.

P.S.
Lekin shu xohishini yenggan odamlarni ko’rib qolsang, shuni bil: Sen o’z nafsi va egosi bilan qattiq kurashib uni yenggan odam qarshisida turibsan.

@Shuhratjanov_official_blog

Afsus

Ortga qara, rosa pushaymonlaring ko’p-a?

• Bekor bu joyga topshirgan ekanman,
• Anuv ishni negayam boshladim,
• O’rtoqlarimni no’tog’ri tanlagan ekanman,
• Yoshligimda ingliz tilini o’rganib qo’ymagan ekanman.
• Boshqa kasb(o’qish, xotin, kiyim) tanlasam bo’lmasmidi?


Eh bu pushaymonlar. Qaniydi boshida bilganimda deyapsanmi? Bilib qo’y shu ishlar boshingdan o’tgani uchun ham shunday fikrlayapsan. Sen hozirgi aqling, tajribang, dunyoqarashing bilan shunday fikrlayapsan. O’sha payt ham to’g’ri qaror qabul qilyapman deb o’ylagansan. Hozir ham qilayotgan qaysidur ishlaringga afsus qilasan kelajakda. Xato qilamiz, o’rganamiz. Bu hayot. Bu yaratganning xohlagani.

O’tmish bilan yashash kerak emas degan qarorga keldim. Qilgan hech qaysi xatolarimga afsuslanmayman endi. Bo’lishi kerak edi – bo’ldi. Taqdir ekan.

70-80 yoshli insonlarni suhbatida bo’lsang ular senga o’z afsuslarini aytib berishadi, ularni oldida sening pushaymonlaring multfilm bo’pqoladi, mana yoshi katta insonlarning afsuslari:

• Oilamga ko’proq vaqt bag’ishlolmadim
• Jamiyat uchun foydali biror nima qoldirmadim
• Farzandlar tarbiyasiga ko’proq e’tibor berolmadim
• Ko’proq namoz/Qur’on o’qiyolmadim

Ko’rding umring oxirlab qolganda hozir afsuslanayotgan ishlaringning 95 foizi o’z ahamiyatini yo’qotadi, o’zing guvoh bo’lish uchun yoshi ulug’ qarindoshingni oldiga borib “eng ko’p nimalardan afsuslanasiz?” deb so’rab ko’r, ham zo’r motivatsiya olasan, ham silai rahm bo’ladi.

@Shuhratjanov_official_blog

Tayyor bo’lishdan avval boshla

Sen ham bir nimalarni boshlamoqchi bo’lib yurasanmi doim? Masalan keyingi dushanbadan albatta shu ish(kursga yozilish, trenirovka, til o’rganish, biznes boshlash, ishga kirish)ni boshlayman deb va’da berasanmi o’zingga o’zing? Lekin negadur o’zingni doim tayyor emasdek his qilasan, shundaymi?

Bir sirni ochib qo’yay, buni hamma his qiladi! Eng professional boshlovchi, sotuvchi, tadbirkor, dasturchi ham ba’zida biror ishni boshlashdan oldin o’zini tayyor emasdek his qiladi.

Mana o’zimam bitta postni yozishdan avval ba’zida 1-2 soatlab o’ylab qolaman. Sen tayyor bo’lishiningni kutar ekansan, hech qachon boshlay olmaysan! Xo’sh unda nima qilish kerak? Tayyor bo’lmasdan turib boshlayverish kerak.

Multimilliarder Richard Brenson o’zining birinchi kompaniyasini aeroport terminalida boshlagan. Ya’ni o’zi uchishi kerak bo’lgan reys bekor qilingach o’sha joyning o’zida chiptalarni chop ettirib odamlarga 29$ dan sotgan. Tushgan puldan esa shu kechaning o’zida 1 ta charter reysni sotib olib parvozlarni boshlab yuborgan.

Bunday misollarni men yana Ilon Musk, Stiv Jobs, Mark Sukerberg biografiyalarida ham kuzatdim. Ular tayyor bo’lishni kutib o’tirishmagan ekan. Juda ko’p g’oyalarni xom xolida boshlab yuborib keyin pishitishgan ekan.

Xullas. Tayyor bo’lishingni kutma. Hali beri bo’lmaysan. Kichik qadamlar bilan boshlayver jarayon o’zi o’rgatib yuboradi.
-2 oy dasturchilikni o’rgandingmi - ishga kirishga xarakat qilib ko’r.
-zo’r imkoniyat yoki taklif kelib qoldimi – qabul qil, yo’l yo’lakay tayyorlanaverasan.
-ko’pchilik oldida gapirish kerakmi – chiqib gapiraver, hayajon hammada bo’ladi!
-til kurslariga boryapsanmi – 1-haftadan keyin gapirishni boshlayver, xatolaring odamlarga qiziq emas.
https://t.me/Shuhratjanov_official_blog

Стресс, ёхуд сиқилиш ҳақида

 
Эҳтимолий бўлиши мумкин бўлган энг ёмон оқибатни чамалаб кўринг (камбағаллик, касаллик, ёлғизлик, яқин инсонни йўқотиш), шу воқеа содир бўлганда ўзингизни қандай тутишни тасаввур қилиб чамалаб кўринг, йўл қидиринг. (юқоридагиларни содир бўлишини эҳтимоли одатда жуда кам бўлади, лекин сиз энди сиқилмайсиз)

 
Бирор кишидан қилган ишингиздан раҳмат кутманг, ҳеч ким сизга қарздор эмас. Балки яхшиликни Аллоҳ учунгина қилинг.

 
Бир кун билан яшанг. Шу бугунги кунингизни қандай ўтказишни режалаштириб олинг. Бу дангасалик, ишларни ортга суриш, келажак ҳақида қайғуришни олдини олади.

 
Агар мабодо тушкунликка тушсангиз ҳам,  бошқаларга яхшилик қилинг (оилангиздан бошланг, баъзан яхши муомала ва жилмайиш етарли), шунда қийинчиликдан чиқасиз ва роҳат оласиз.


Бор ғамингиз қорин, идиш-тавоқ, уй ва қасрлар бўлмасин, қандайдир катта мақсадингиз бўлсин.


Ва ниҳоят, сизга ғам етсаю ундан қутулишнинг имкони ва иложи бўлмаса, бундай киши савобга эга бўлади. Яъни сабр қилсангиз ҳам қилмасангиз ҳам ғамингиз бор, сиқилиш уни кетказолмайди. Сабр эса савобга сабабчи бўлади.

@Доктор Оиз Қарний, «Ўкинма» китобидан хулосалар
https://t.me/Shuhratjanov_official_blog