Shirin-shirin orzular tilayman sizga,
Gullardan guldasta o'rayman sizga,
Onajon yuz yoshni so'rayman sizga,
Yashang siz hamisha baxtiyor bo'lib!

Boshingiz ustidan ketmasin quyosh,
Yuz yoshga kiring-u, bo'lib yuring yosh,
Dil so'zim aytayin, eshiting sirdosh,
Yashang siz hamisha baxtiyor bo'lib!

Mehringiz taftidan so'zlarim tosha,
Nominggiz aytaman qit'alar osha,
Yoshligim siz bilan o'tdi hamisha,
Yashang siz hamisha baxtiyor bo'lib!

Sizni farishtaday ko'raman ona,
Siz borsiz davrimni suraman ona,
Axir siz men uchun yakka yagona,
Yashang siz hamisha baxtiyor bo'lib!

Sizga men munosib o'g'lon bo'layin,
Armonlar kelsa gar qalqon bo'layin,
Siz kuling, men bugun shodon bo'layin,
Yashang siz hamisha baxtiyor bo'lib!

Doniyor Xaydarov