Uyidan olis chiqsa har odam,
Pok niyat-la tashlasa qadam,
Mehnat qilib topsa gar olam,
Uning nomi erur musofir.

Olis ketsa o'zga yurt tomon,
Vatan qadrin bilsa gar yomon,
Tun kechalar qiynasa armon,
Uning nomi erur musofir.

Uzoqlarda qolib ketdi baxt,
Qumsayverar oilasin harvaqt,
Qilib yurar bariga toqat,
Uning nomi erur musofir.

Faryod solib yig'lolmaydi u,
Mehr izlab topolmaydi u,
Handon otib kulolmaydi u,
Uning nomi erur musofir.

Dardin tinglar faqat bir falak,
Jon hovuchlab yurar jonsarak,
Xudoyimdan yolvorib xalak,
Uning nomi erur musofir.

Musofirlik shundayin og'ir,
Necha yilkim yig'lagan Bobur,
Tugab bitar barisi oxir,
Mening nomim erur musofir.

Doniyor Xaydarov