د وحشت درنې څپې دي سولي! راسه!
د مظلوم چیغي نعرې دي سولي! راسه!

څۀ نازڪ ماشومان سوځي په اورو ڪي
د ڪافر ظالم چاپې دي سولي! راسه!

د ښایسته افغانستان شنه وطنونه
اوس ترې جوړي ڪنډوالې دي سولي! راسه!

د هر ځوان پر زړۀ ارمان د اذادۍ دی
نن یې دواړي سترګي سرې دي سولي! راسه!

افغانان له یوه بله صدقه ڪړې!
ورور ولي نسته جګړې دي سولي! راسه!

د سپین ستورو سپین ڪاروان راته راستون ڪړه!
بلي ڪړي مو ډېوې دي سولي! راسه!

سبحاني د ورڪ لالي تصوير ته ژاړي
دردېدلي ورځي شپې دي سولي! راسه!